25 İyun 2022

VERGİLƏR

SOSİAL-İQTİSADİ ONLAYN QƏZET

Tatyana Mikayılova: "İndi biznes qadınlar üçün daha əlçatandır" MÜSAHİBƏ

Mayın 18-də Bakıda “SHE Congress” (“Smart. Happy. Elegant.”) keçirilib. Azərbaycan Sahibkar Qadınlar Təşkilatının təşkilatçılığı ilə keçirilmiş builki tədbir “İqtisadi inkişafda qadın sahibkarlığının rolu” mövzusuna həsr olunub. “Azerbaijan Business Women” layihəsinin təmsilçisi, sahibkar Tatyana Mikayılova toplantı barədə fikirlərini “vergiler.az”la bölüşüb.

- Tatyana xanım, bu cür tədbirlərin iş mühitinə, xüsusilə qadınların biznes fəaliyyətinə müsbət təsirləri nələrdir?

- Pandemiya ilə əlaqədar iki il qadınların konqresini təşkil edə bilmədik. İki il aradan sonra bu il 4-cü konqresimizi keçirə bildik. İlk tədbirlərdən sonra qadınların təsis etdiyi xeyli sayda yeni şirkətlər və brendlər bazara daxil olub. Xanımlar öz bizneslərini qurmaqda, eləcə də menecmenti öyrənmək üçün təhsil almaqda maraqlıdırlar. Bununla onlar “top menecment” səviyyəsinə nail ola bilirlər.

- Qadınlar daha çox biznesin hansı sahələri ilə məşğul olurlar?

- Dövlət Statistika Komitəsinin məlumatlarına əsasən, 2021-ci ilin yanvarında Azərbaycanda fəaliyyət göstərən fərdi sahibkarların sayı 956 min 118 nəfər olub ki, onlardan 210 min 815 nəfəri qadınlardır. Biz qadın sahibkarlar arasında sorğu keçirdik və 63%-i fərdi sahibkar olan respondentlərmizin 44%-nin xidmət sektorunda, 37%-nin isə ticarətdə fəaliyyət göstərdikləri məlum oldu.

- Bəs qadınların biznesə başlaması üçün əsas amillər hansılardır?

- İctimai rəy sorğusunda bunu da araşdırmağa çalışdıq. Biznesə başlamaq üçün əsas amillər sırasında məşğulluğu tənzimləmək bacarığı öndədir. Sorğuda iştirak edən qadınların 53%-i bunu vurğulayıb. Maliyyə müstəqilliyi qazanmaq, daha çox gəlir əldə etmək, öz xəyallarını gerçəkləşdirmək həvəsi ilə yanaşı, biznesə başlamaq üçün lider olmaq bacarığı da mühüm əhəmiyyət daşıyır. Qadınlarımızın 15%-i digər qadın sahibkarlardan ilhamlanaraq işə başladıqlarını vurğulayıblar.

- Azərbaycandakı iqtisadi mühit, sahibkarlara münasibət qadınların işgüzar fəaliyyətində özünü necə göstərir?

- Bu barədə çox geniş danışmaq olar. Qısaca olaraq deyim ki, ölkəmizdə biznesə başlamaq çox asandır. İndi biznes qadınlar üçün daha əlçatandır. “Bir pəncərə” sistemi üzərindən bütün xidmətlər çox rahat formada təqdim olunur. Şirkəti qısa müddətdə təsis edib, işə başlaya bilərsən. Dövlət qurumları da sahibkarlara dəstək verir. Kiçik və Orta Biznesin İnkişafı Agentliyi həqiqətən bütün mərhələlərdə sahibkarların yanındadır, sahibkarlara məsləhət xidmətləri göstərir. Azərbaycanda bizneslə məşğul olmaq üçün çətinliklər görmürəm. Çünki dövlət qurumları ilə münasibətlər çox sıxdır. Mühit çox dəyişib. Bütün iqtisadiyyatlar kiçik bizneslərdən başlayır. Ölkədə kiçik və orta sahibkarlıq subyektləri olmayanda iri bizneslər də zəif fəaliyyət göstərir. Qadınlar isə əsasən kiçik və orta bizneslə məşğul olurlar.

VergiAmortizasiya ayırmalarının gəlirdən çıxılması İqtisadiyyatBeş ayda Azərbaycanda ümumi daxili məhsul 7,2 faiz artıb İqtisadiyyatYanvar-may aylarında xarici ticarət dövriyyəsi 20 milyard dollardan çox olub Vergiİxrac qeydi ilə satış həyata keçirən şəxslərə hansı tələblər qoyulub? İqtisadiyyatYanvar-may aylarında qeyri-neft məhsullarının ixracı 30,9 faiz artıb Vergi“Biznesə daxilolma” İşçi qrupunun iclası keçirilib İqtisadiyyatAzərbaycanda “İT-Akademiya” fəaliyyətə başlayır İqtisadiyyatDaşkənddə Özbəkistan-Azərbaycan biznes forumu keçirilib İqtisadiyyatMobil telefon cihazları bazarında araşdırmalar davam etdirilir VergiYay Təcrübə Proqramının qrup tapşırıqları mərhələsi keçirilib