23 Noyabr 2026
SOSİAL-İQTİSADİ ONLAYN QƏZET
Vergilər Nazirliyinin əməkdaşları beynəlxalq proqramda uğur qazanıblar

Vergilər Nazirliyinin əməkdaşları beynəlxalq proqramda uğur qazanıblar

Avropa Qonşuluq və Tərəfdaşlıq Aləti çərçivəsində "Transfer qiymətlərin müəyyən edilməsi və vergidən yayınma hallarına qarşı tədbirlərin işlənib hazırlanmasında Azərbaycan Respublikası Vergilər Nazirliyinə dəstək" layihəsi davam edir. Layihəyə əsasən, Vergilər Nazirliyinin əməkdaşları arasından xüsusi testlərdən keçərək seçilmiş 10 nəfər beynəlxalq vergitutma sahəsində ali diplom - ADİT (Advanced Diploma in İnternational Taxation) imtahanlarında iştirak edib və onlardan beşi imtahanlardan uğurla keçib.

ADİT proqramı Böyük Britaniyanın Sertifikatlaşmış Vergitutma İnstitutu tərəfindən təşkil olunur. Proqramı müvəffəqiyyətlə bitirmək üçün 5 il ərzində bütün iştirakçılar üçün tamamlanması məcburi olan beynəlxalq vergitutma prinsipinə aid modul daxil olmaqla, ümumilikdə üç modul üzrə imtahanları vermək tələb olunur. İmtahanlar beynəlxalq vergi hüququnu, ikiqat vergitutma sazişlərini və onların şərhlərini, transfer qiymətləndirmə ilə bağlı qayda və yanaşmaları, eləcə də vergitutma bazasının aşınması və mənfəətin köçürülməsinə (BEPS) dair məsələləri əhatə edir. Vergilər Nazirliyinin əməkdaşları Orxan Musayev və Ceyhun İsmayilov beynəlxalq vergitutma prinsipləri üzrə modulu, Cavid Əliyev, Təhminə Əsgərova və Tofiq Gulaliyev isə transfer qiymətləri üzrə modulu müvəffəqiyyətlə bitiriblər.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?