31 Mart 2023

VERGİLƏR

SOSİAL-İQTİSADİ ONLAYN QƏZET

Elektron qaimə-fakturalarda nələr dəyişib?

Vergi ödəyiciləri üçün vergi inzibatçılığının sadələşdirilməsi və vergi ödəyiciləri arasında aparılan əməliyyatlar üzrə sənədləşdirmədə çevikliyin təmin edilməsi məqsədilə 1 yanvar 2020-ci il tarixindən qüvvəyə minən Vergi Məcəlləsinə əsasən, elektron vergi hesab-faktura tam olaraq elektron qaimə-faktura ilə əvəz olunub. Mövzunu iqtisadçı ekspert Mahmud Abasquliyev şərh edir.

Bu ilə qədər vergi ödəyiciləri tərəfindən malların təqdim edilməsi, işlərin görülməsi və xidmətlərin göstərilməsinə görə qarşı tərəfə (alıcıya) elektron qaimə-faktura, ƏDV-nin məqsədləri üçün qeydiyyata alınmış ƏDV ödəyiciləri tərəfindən əlavə olaraq elektron vergi hesab-faktura təqdim edilirdi.

Vergi Məcəlləsinə edilən dəyişikliklərə görə, vergi ödəyicisi tərəfindən aparılan əməliyyatlar zamanı əməliyyatın xarakterindən asılı olaraq aşağıdakı növdə elektron qaimə-faktura verilir:

  • malların, işlərin və xidmətlərin təqdim edilməsi barədə;

  • malların qaytarılması barədə;

  • malların qaytarılması istisna olmaqla, bu Məcəllənin 163-cü maddəsinə əsasən;

  • malların vəkalət verən (komitent) tərəfindən agentə (komisyonçuya) verilməsi barədə;

  • agent (komisyonçu) tərəfindən malların alıcısına təqdim edilən;

  • agent (komisyonçu) tərəfindən malların vəkalət verənə (komitentə) qaytarılması barədə;

  • malların emala verilməsi barədə;

  • emal prosesi keçmiş malların qaytarılması barədə;

  • Vergi Məcəlləsinin 177.5-ci maddəsinə əsasən.

Fərdi sahibkarlara və hüquqi şəxslərə (vergi orqanında uçotda olan şəxslərə) malları təqdim edən, işləri görən və xidmətləri göstərən şəxs tərəfindən elektron qaimə-faktura aşağıdakı müddətlərdə təqdim edilməlidir:

  • bu Məcəllənin 71-1.5.1-ci, 71-1.5.4-cü, 71-1.5.5-ci, 71-1.5.7-ci və 71-1.5.8-ci maddələrində nəzərdə tutulmuş hallarda – mallar göndərilən (verilən) vaxt;

  • əvvəlcədən sifariş edilməyən malların təqdim edilməsi üzrə - malların təhvil verilməsini təsdiq edən sənədin verildiyi tarixdən 5 gün müddətində;

  • işlərin görülməsi və xidmətlərin göstərilməsi üzrə - işlərin görüldüyü və xidmətlərin göstərildiyi tarixdən 5 gün müddətində;

  • bu Məcəllənin 71-1.5.2-ci, 71-1.5.3-cü və 71-1.5.6-cı maddələrində nəzərdə tutulmuş hallarda – malların qaytarıldığı və vergi tutulan dövriyyənin dəqiqləşdirildiyi vaxtdan 3 gün müddətində.

Malların alış aktı ilə bağlı yeniliklərə gəldikdə isə 1 yanvar 2020-ci il tarixdən Vergi Məcəlləsinin qüvvəyə minən 71-2-ci maddəsinə əsasən, malların alış aktı elektronlaşdırılıb. Malların alışına görə ilkin olaraq kağız daşıyıcıda "Malların alış aktı" tərtib edildiyi halda, həmin alış aktı əsasında malların alışı tarixindən 5 (beş) gün müddətində elektron alış aktı tərtib olunmalıdır. Artıq sahibkar vergi ödəyicisi olmayan şəxsdən mal aldığı zaman alınmış mallara görə alış aktları və malların alışı tarixindən 5 (beş) gün ərzində elektron alış aktı tərtib etməlidir.

Fərqanə ALLAHVERDİQIZI

İqtisadiyyatİqtisadiyyat nazirinin müavini Tərtərdə vətəndaşları qəbul edəcək SosialXüsusi karantin rejimində bəzi məhdudiyyətlər aradan qaldırılıb Ekspert RəyiTransfer qiymətinin müəyyən edilməsi ilə bağlı yenilik VergiNağd pul hesablaşmaları necə rəsmiləşdirilir? VergiDövlət Vergi Xidməti sayca ikinci “Yay Təcrübə Proqramı”na qəbul elan edir İqtisadiyyatAğdam Sənaye Parkında rezidentlərin sayı 14-ə çatıb VergiAzərbaycan BEPS fəaliyyətləri üzrə öhdəliklərin icrasına başlayıb VergiHüquqi şəxs digər hüquqi şəxsə qoşulduqda vergi öhdəliyi necə tənzimlənir? İqtisadiyyatXamis Seyranov: “Yeni Rəqabət Məcəlləsi bir sıra üstünlüklərə malikdir” VergiVergi təşəbbüsləri və rəqəmsallaşma mövzuları üzrə təlim-seminar keçirilir