1 Oktyabr 2020

VERGİLƏR

SOSİAL-İQTİSADİ ONLAYN QƏZET

"ASAN imza"ya tələbat artır

Son illərin statistikasına əsasən, ölkəmizdə elektron imza,o cümlədən "ASAN imza" alanların sayı sürətlə artır.

Vergilər Nazirliyinin Dövlət qeydiyyatı və uçota nəzarət departamentinin baş direktoru Ələkbər Məmmədov bildirib ki, indi həyatın bütün sahələrində elektron imzadan istifadə olunur və bu tendensiya daha da güclənir. 2018-ci ildə "ASAN imza" (mobil imza) əldə edənlərin sayı əvvəlki illərlə müqayisədə təxminən 2,5 dəfə artıb.

Qeyd edilib ki, Azərbaycanda yerli investisiyalı məhdud məsuliyyətli cəmiyyətlərin ilkin qeydiyyatı "ASAN imza"ya ehtiyac olmadan FIN kod vasitəsilə aparılacaq. Sonrakı mərhələlərdə, yəni bank və digər əməliyyatları həyata keçirmək üçünsə "ASAN imza"nın olması zəruridir.

"ASAN imza"nın qiyməti ilə bağlı sualı cavablandırarkən Ə.Məmmədov bildirib ki, mobil imzadan istifadə edənlərin sayı artdıqca onun qiymətinə yenidən baxılacaq. Amma bu məsələ nazirliyin səlahiyyətində deyil.

Elxan SALAHOV