Vergi Məcəlləsində əmək qabiliyyətinin itirilməsinə görə müavinətdən gəlir vergisi hesablanması zamanı hər hansı güzəşt nəzərdə tutulmayıb. 

Mövzunu şərh edən iqtisadçı ekspert Anar Bayramov bildirib ki, "Sosial Sığorta haqqında" Qanunun 15-ci maddəsinə əsasən, həm sığortaedənin vəsaiti hesabına əmək qabiliyyətini müvəqqəti itirməyə görə verilən müavinət, həm də məcburi dövlət sosial sığorta haqları hesabına verilən sosial sığorta ödəmələrinin məbləğləri məcburi dövlət sosial sığorta haqqı hesablanmasından azaddır. "İşsizlikdən sığorta haqqında" Qanunda isə göstərilir ki, əmək qabiliyyətini müvəqqəti itirməyə görə ödənişlərə işsizlikdən sığorta haqqı hesablanmır.

Misal. Fərz edək ki, dövlət müəssisəsində işləyən və bir təqvim ayı ərzində əmək qabiliyyətli işçiyə 830 manat müavinət hesablanıb. Həmin müavinət məbləğinin 410 və 420 manatı müvafiq olaraq işəgötürən və DSMF tərəfindən ödəniləcək. İşəgötürən ilk 14 təqvim günlərinə düşən iş günlərinə görə hesablanan müavinətdən Vergi Məcəlləsinin 102.1.6-ci maddəsində güzəşt məbləği nəzərə almaqla 29,40 ((410-200)x14%) manat gəlir vergisi hesablayır.

Hazırladı:
Fəxriyyə İKRAMQIZI