“Vergi Akademiyası” proqramına qeydiyyatın başa çatmasına 3 gün qaldı!
Elm və Təhsil Nazirliyi ilə İqtisadiyyat Nazirliyi yanında Dövlət Vergi Xidmətinin əməkdaşlığı çərçivəsində ali təhsil müəssisələrinin qız tələbələri üçün təşkil olunan “Vergi Akademiyası” proqramına sənəd qəbulunun başa çatmasına 3 gün qalıb.
Proqramda iştirak etmək üçün sənəd qəbulu 15 noyabr 2026-cı il saat 23:59-dək [email protected] elektron poçt ünvanı vasitəsilə həyata keçiriləcək.
Müraciət göndərərkən məktubun mövzu hissəsində “Vergi Akademiyası 2026” qeyd edilməli, şəxsiyyət vəsiqəsi, tələbə bileti, akademik transkript və CV fayl şəklində məktuba əlavə olunmalıdır.
