İqtisadiyyat Nazirliyi yanında Dövlət Vergi Xidmətində istedadlı əməkdaşların cəlb olunması, inkişafı və həvəsləndirmə proqramlarını tətbiq etməklə işçi təcrübəsinin və məmnuniyyətinin artırılması əsas prioritetlərdəndir. Bu baxımdan, DVX kadr hazırlığı ilə bağlı prioritetlərə dəyər qatmaq məqsədilə ilk dəfə olaraq yeni işə qəbul olmuş stajçılar üçün “Mentorluq” proqramının tətbiqinə start verib.

Mentorluq Proqramı yeni işə qəbul olunmuş stajçıların iş mühitinə uyğunlaşması prosesi çərçivəsində onların yumşaq bacarıqlarının inkişaf etdirilməsinə dəstək olmaq və mentorlar tərəfindən onlarla bilik, təcrübə və məsləhətlərini paylaşa biləcəkləri mühiti yaratmaq məqsədi daşıyır.

1 il müddətində davam edəcək proqramda stajçılar üçün dəstəkləyici mühitin yaradılması onların şəxsi və peşəkar inkişafına müsbət təsir göstərəcək.

Qeyd edək ki, mentorluq biri təcrübəli mentor, digəri daha az təcrübəli menti olmaqla iki şəxs arasında qarşılıqlı inkişafı dəstəkləyən prosesdir. Mentorluq proqramı mentiyə şəxsi potensialını kəşf etməyə, mentora isə liderlik bacarıqlarını inkişaf etdirməyə yardım edir.