"vergiler.az"ın Dövlət Vergi Xidmətindən aldığı məlumata görə, 2023-cü ilin yanvar ayı ərzində vergi ödəyicilərinə xidmət mərkəzlərində ümumilikdə 54.139 şəxs qəbul edilib və onlara 107.170 sayda xidmət göstərilib ki, bunlardan 27 minə yaxını şifahi, 36 minə yaxını isə elektron xidmətlər olub. Yanvar ayı ərzində göstərilmiş ümumi elektron xidmətlərin 89 faizini bəyannamələrin (hesabatların), habelə cari vergi ödəmələrinin hesablanması barədə arayışın vergi orqanlarına təqdim edilməsi, qapalı zərfdə elektron sənəd mübadiləsinin aparılması üçün istifadəçi kodu, şifrə və parolun verilməsi və yenidən verilməsi, sadələşdirilmiş vergi üzrə sabit məbləğin, məcburi dövlət sosial sığorta və icbari tibbi sığorta haqqının ödənilməsi haqqında qəbzin verilməsi, vergi ödəyicisinin uçot məlumatlarının dəyişdirilməsi və s. xidmətlər təşkil edib.