Qanunvericiliyin ictimai münasibətlərin tələblərinə uyğunlaşdırılması və icra mexanizmlərinin effektivliyinin artırılması əlverişli biznes mühitinin formalaşdırılması üçün böyük əhəmiyyət daşıyır. Bu səbəbdən vergi ödəyiciləri və biznes assosiasiyalarının vergi siyasətinin müəyyənləşdirilməsi prosesində iştirakının təmin edilməsi məqsədilə mütəmadi görüşlər keçirilir.

Növbəti belə görüş Dövlət Vergi Xidməti və AMCHAM-ın birgə təşəbbüsü ilə növbəti il üçün Vergi Məcəlləsində gözlənilən dəyişikliklərin əsas istiqamətləri barədə mərhələli məlumatlandırma prosesi ilə bağlı təşkil edilib. AMCHAM-a üzv olan vergi ödəyicilərinin 70-ə yaxın nümayəndəsinin, eləcə də Dövlət Vergi Xidmətinin müvafiq struktur bölmələrinin rəhbər vəzifəli şəxslərinin iştirakı ilə keçirilən görüşdə Vergi siyasəti Baş İdarəsinin rəisi Nicat İmanov təqdimatla çıxış edərək Vergi Məcəlləsində nəzərdə tutulan dəyişikliklərin əsas istiqamətləri barədə ətraflı məlumat verib.

Görüşdə sahibkarların sualları ətraflı cavablandırılıb.