27 May 2022

VERGİLƏR

SOSİAL-İQTİSADİ ONLAYN QƏZET

Regionlarda yerləşən ali təhsil müəssisələrində məlumatlandırıcı görüşlər keçirilib

İqtisadiyyat Nazirliyi yanında Dövlət Vergi Xidməti tərəfindən Yay Təcrübə Proqramı ilə bağlı regionlarda yerləşən ali təhsil müəssisələrində məlumatlandırıcı görüşlər keçirilib. Xidmətin rəhbər vəzifəli şəxsləri və əməkdaşları Lənkəran Dövlət Universiteti, Gəncə Dövlət Universiteti, Azərbaycan Dövlət Aqrar Universiteti, Mingəçevir Dövlət Universiteti və Sumqayıt Dövlət Universitetində “Karyera Günləri” çərçivəsində tələbələrlə görüşüblər.

Görüşlərdə iştirak edən Dövlət Vergi Xidmətinin İnsan resursları baş idarəsinin və Tədris Mərkəzinin rəhbər vəzifəli şəxsləri tərəfindən Yay Təcrübə Proqramının məqsədləri barədə regionlarda təhsil alan ali təhsil məktəblərinin tələbələrinə məlumat verilib, Proqramın onlar üçün xüsusi əhəmiyyəti vurğulanıb. Belə ki, Proqramda iştirak edəcək tələbələr dövlət vergi orqanlarının işi ilə yaxından tanış olaraq vergi sahəsində nəzəri və praktiki biliklərinin artırılması imkanı əldə edəcəklər. Bu da öz növbəsində, tələbələrin peşəkar kadr kimi formalaşdırılmasına mühüm bir dəstək, o cümlədən rayonlarda təhsil alan tələbələrin ölkənin vergi orqanlarında çalışmaq istəyi üçün motivasiya və regionlarda məşğulluq məsələlərinə ciddi töhfə verəcək.

Görüşlər zamanı Dövlət Vergi Xidmətinin əməkdaşları ölkənin vergi sistemi, onun strukturu, dövlət vergi orqanlarına işə qəbul prosesi, Yay Təcrübə Proqramında iştirak şərtləri, müraciət forması və s. məsələlərlə bağlı tələbələri məlumatlandırıblar.

Görüşlərin yekununda tələbələrə maarifləndirici materiallar paylanılıb, onları maraqlandıran çoxsaylı suallar cavablandırılıb. Bir çox tələbələr Yay Təcrübə Proqramına maraq nümayiş etdirib, bu proqramın onların gələcəyi üçün yaxşı imkan yaratdığını qeyd ediblər.

Dövlət Vergi Xidmətinin Yay Təcrübə Proqramı barədə aşağıdakı link vasitəsilə ətraflı məlumat əldə etmək olar:

https://www.taxes.gov.az/az/post/1828

BeynəlxalqBVF qlobal iqtisadiyyatın İkinci Dünya Müharibəsindən sonra ən pis vəziyyətə düşdüyünü bildirib İqtisadiyyatDövlət satınalmalarının təşkili mövzusunda seminar keçirilib İqtisadiyyatBu gün Bakıda “TEKNOFEST Azərbaycan” festivalı başlayır VergiNağdsız qaydada alınmış yaşayış və qeyri-yaşayış sahələrinə görə ödənilmiş əlavə dəyər vergisi geri qaytarılır VergiHəyata keçirilən islahatlar qeyri-neft-qaz sektorundan vergi daxilolmalarının əhəmiyyətli artımına səbəb olub İqtisadiyyatÖlkədə bağlanmış əmək müqavilələrinin sayı may ayının 1-nə 1 milyon 691,9 min olub VergiƏDV tətbiq edilməklə satılmış bəzi mallara görə hesablanmış ƏDV məbləğləri azaldılacaq İqtisadiyyatİqtisadiyyat naziri Mikayıl Cabbarov Səudiyyə Ərəbistanı Krallığının investisiya naziri ilə görüşüb İqtisadiyyatBirləşmiş Ərəb Əmirlikləri ilə iqtisadi-ticarət əlaqələri və əməkdaşlıq perspektivləri müzakirə edilib İqtisadiyyatAzərbaycanda iqtisadiyyatın şaxələndirilməsi, yaşıl iqtisadi artım məsələləri müzakirə olunub