17 May 2022

VERGİLƏR

SOSİAL-İQTİSADİ ONLAYN QƏZET

Anlaşma memorandumu imzalanıb

Dövlət İmtahan Mərkəzi, Dövlət Vergi Xidmətinin Tədris Mərkəzi, Maliyyə Nazirliyi yanında Maliyyə Elm-Tədris Mərkəzi (METM), Azərbaycan Professional Maliyyə Menecerləri Assosiasiyası (APFM), Azərbaycan Mühasiblər və Risk Peşəkarları Assosiasiyası (ARPA) və Gənc Mühasiblər İctimai Birliyi (GMİB) arasında Anlaşma Memorandumunun imzalanmasına həsr edilmiş tədbir keçirilib.

Tədbirdə çıxış edən DİM Direktorlar Şurasının sədri Məleykə Abbaszadə peşəkar mühasib sertifikatının (PMS) verilməsi üçün keçirilən imtahanlar, onların təkmilləşdirilməsi məqsədilə beynəlxalq təşkilatlarla qurulmuş əməkdaşlıq barədə məlumat verib. Öz növbəsində DVX-nin Tədris Mərkəzinin rəisi vəzifəsini icra edən Mirəli Kazımov tədbirin və memorandumun respublikamızda mühasibatlıq sahəsinin inkişafı, peşəkar mühasib sertifikatının əldə olunması imkanlarının artırılması üçün faydalı olacağını vurğulayıb.

Görüşün sonunda Anlaşma Memorandumu imzalanıb. Memorandum “Peşəkar mühasib sertifikatının verilməsi prosesinin təşkili, imtahanların keçirilməsi və peşəkar mühasib sertifikatı almış şəxslərin dövlət reyestrinin aparılması Qaydaları”nın təsdiq edilməsi haqqında Nazirlər Kabinetinin 22 may 2019-cu il tarixli Qərarını əsas götürərək PMS üzrə imtahanların məzmunu və strukturunun təkmilləşdirilməsi və təbliğatı, maliyyə, mühasibat və vergi uçotu sahəsindəki yeniliklərin geniş ictimaiyyətə birgə çatdırılması, eləcə də qeyd edilən sahələr üzrə mütəxəssislərin peşəkar inkişafına dair qarşılıqlı əməkdaşlıq məqsədi daşıyır. Memoranduma əsasən, tərəflər beynəlxalq kvalifikasiya və yerli PMS imtahanlarının standartlarının müqayisəli təhlili və inteqrasiyası, ali təhsil müəssisələrinin müvafiq fənn proqramları ilə müqayisəli təhlili, imtahanlara hazırlaşanlar üçün tədris materiallarının hazırlanması, təlim sessiyaları, seminarların təşkili və s. istiqamətlərdə əməkdaşlıq edəcək.

VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb İqtisadiyyatMikayıl Cabbarov Səngəçal terminalına səfər edib MüsahibələrVasif Eyvazzadə: Azərbaycanda yaradıcı iqtisadiyyatın inkişafı üçün böyük potensial var MÜSAHİBƏ VergiDövlət Vergi Xidmətinin rəisi AHK İmpuls tədbirinin qonağı olub İqtisadiyyatKİV nümayəndələri 195-1 Çağrı Mərkəzi ilə tanış olublar REPORTAJ VergiVergi daxilolmalarının 68,1 faizi qeyri-neft-qaz sektorunun payına düşüb İqtisadiyyatƏmlak Xidmətləri Məkanında bir gün FOTOREPORTAJ İqtisadiyyatİstedadlarla karyera yolları arasında körpü MüsahibələrMehdi Babayev: Şəffaflıq istiqamətində vergi tətbiqləri vergi ödəmə mədəniyyətini formalaşdırıb MÜSAHİBƏ VergiDövlət Vergi Xidmətinin rəisi bank sektorunun nümayəndələri ilə görüşüb