29 Mart 2024

VERGİLƏR

SOSİAL-İQTİSADİ ONLAYN QƏZET

Nağdsız ödənişlərin ildə 7 faiz artması gözlənilir

Almaniya-Azərbaycan Xarici Ticarət Palatası "Market Analysis Azerbaijan 2019" adlı xüsusi hesabatını açıqlayıb. Sənəddə ölkəmizdə nağdsız ödənişlərin həcminin artırılması ilə bağlı görülən tədbirlər müsbət qiymətləndirilib. 

Hesabata əsasən, yaxın 2 il ərzində Azərbaycanda nağdsız ödənişlərin payının ildə ən azı 7 faiz artması gözlənilir. Bu il isə həmin sektorda kəskin irəliləyiş proqnozlaşdırılır. 2020-ci ilə qədər isə nağd dövriyyənin həcminin 74 faizdən 40 faizə endirilməsi planlaşdırılır. "Ölkənin bankları və kredit təşkilatları gələcək illərdə informasiya texnologiyaları infrastrukturuna daha çox sərmayə yatıracaqlar. Qeyd edək ki, 2013-2017-ci illər ərzində bankların informasiya texnologiyaları infrastrukturlarına yatırdıqları sərmayələrin həcmi 230 milyon ABŞ dolları təşkil edib. Qoyulan sərmayələrin yarısı proqram təminatına sərf olunub. Banklar, şirkətlər və dövlət orqanları gələcək illərdə ödəmə həllərinə daha böyük investisiyalar ayıracaqlar", - hesabatda qeyd olunub.

Qeyd edək ki, 2018-2020-ci illər üzrə Azərbaycanda rəqəmsal ödənişlərin genişləndirilməsi üzrə Dövlət Proqramının icrası davam edir. Rəqəmsal ödənişlərin tətbiqinin və istifadəsinin genişləndirilməsi iqtisadi dövriyyələri şəffaflaşdırmaqla nağd pulla bağlı xərclərin, bank və müəssisələrin əməliyyat xərclərinin azalmasına gətirib çıxaracaq. Bu da öz növbəsində vergi bazasının, habelə əhali və müəssisələrin maliyyə xidmətlərinə çıxış imkanlarının genişləndirilməsinə, bank sektorunun kreditləşmə və investisiya imkanlarının gücləndirilməsinə, son nəticədə isə iqtisadi artıma təkan verəcək.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb