25 Fevral 2024

VERGİLƏR

SOSİAL-İQTİSADİ ONLAYN QƏZET

Turizm sektorunun inkişafında vergi güzəştlərinin rolu

Azərbaycan Dövlət Turizm Agentliyinin və Vergilər Nazirliyinin təşkilatçılığı ilə turizm sənayesinin iştirakçıları üçün "Vergi Məcəlləsinə 2019-cu ildə edilmiş əlavə və dəyişikliklər: yeni qaydaları turizm sənayesində necə tətbiq etməli?" mövzusunda tədbir keçirilib. Mövzu ilə bağlı müzakirələrdə turizm sənayesinin spesifik xüsusiyyətləri, turizmin mövsümi xarakter daşıması, region otellərinin mövsümi fəaliyyətlə bağlı vergiyə cəlb olunması, nağdsız hesablaşmaların tətbiqi kimi məsələlərə toxunulub.

Tədbirin əsas mövzularından biri də turizm şirkətləri tərəfindən elektron qaimə-fakturaların təqdim edilməsi ilə bağlı olub. Vergilər Nazirliyinin Vergi siyasəti departamentinin baş direktorunun müavini Nicat İmanov məsələyə aydınlıq gətirərək bildirib ki, sektorun həssaslığı nəzərə alınaraq, turizm agentlərinin göstərdikləri xidmətlərin təhvil-qəbul aktları ilə yanaşı, elektron qaimə-faktura ilə həyata keçirilməsinə razılıq verilib: "Siz fakturada bu xidmətlərin agent qaydasında həyata keçirilməsini qeyd etməlisiniz və bununla da həmin xidmətlərin dəyəri turizm agentliyinin gəliri hesab edilmir. Kameral və səyyar vergi yoxlamaları zamanı hesabınıza daxil olan vəsaitlərin heç də hamısının sizin gəliriniz olmadığı görünməlidir".

N.İmanov gələcəkdə agent qaydasında təqdim edilən elektron qaimə-fakturaların çeşidlənməsinin həyata keçiriləcəyini qeyd edib. O, Vergi Məcəlləsinə edilmiş dəyişikliklərin sahibkarların vergi yükünün optimallaşdırılması, mikro sahibkarlıq subyektlərinin qorunması, orta sahibkarlıq sinfinə keçidin təmin edilməsi baxımından əhəmiyyətini vurğulayıb: "Bu ildən mikro sahibkarlıq subyektlərinə əmlak vergisindən azadolmaların tətbiqinə başlanılıb. Bununla yanaşı, sahibkarlara 75 faiz gəlir vergisi güzəştinin verilməsi, əməkhaqqının 8 min manatadək olan hissəsinin vergiyə 0 dərəcə ilə cəlb edilməsi sahibkarlıq subyektlərinin fəaliyyətinin tənzimlənməsi baxımından atılan mühüm addımlardır. Güzəşt və azadolmaların tətbiqi turizm sektorunun inkişafı baxımından əhəmiyyətlidir".

Fərqanə ALLAHVERDİQIZI

VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır? VergiHansı halda şirkət sadələşdirilmiş verginin ödəyicisi olmaq hüququnu saxlayır? VergiHesabın bağlanılması və digər filialda yeni hesabın açılması üçün banka təkrar müraciət olunmalıdırmı?