24 Fevral 2024

VERGİLƏR

SOSİAL-İQTİSADİ ONLAYN QƏZET

Vergi güzəştləri QHT-lərin və KİVDF-nin vəsaitlərinə şamil edilmir

Xəbər verdiyimiz kimi, Nazirlər Kabineti "Neft-qaz sahəsində fəaliyyətin və qeyri-dövlət sektorunun Meyarları"nı təsdiq edib. Bu qərarla dövriyyəsinin bir hissəsi dövlət büdcəsindən, digər hissəsi kənar fondların ayırdığı qrantlardan formalaşan təşkilatlar üçün vergi öhdəlikləri də müəyyənləşib.

Vergi qanunvericiliyi üzrə ekspert, Azərbaycan Vəkillər Kollegiyasının üzvü Sirac Piriyev mövzunu şərh edərkən bildirib ki, Nazirlər Kabinetinin 18 fevral 2019-cu il tarixli qərarı ilə təsdiq edilmiş "Neft-qaz sahəsində fəaliyyətin və qeyri-dövlət sektorunun Meyarları"nın 2.2-ci bəndinə əsasən, dövlət adından yaradılmış publik hüquqi şəxslər, büdcə təşkilatları, dövlət büdcəsindən və dövlətə məxsus digər fondlardan maliyyələşən orqan və qurumlar, habelə səhmlərinin və ya paylarının 51 və daha artıq faizi birbaşa və ya dolayısı ilə dövlətə məxsus olan hüquqi şəxslər dövlət sektoruna aid edilib: "Göründüyü kimi, təsdiq olunmuş meyarlarda hər hansı istisna hal müəyyən edilmədiyi üçün mülkiyyətin formasından asılı olmayaraq, hüquqi şəxs bütünlüklə və ya qismən büdcə vəsaiti hesabına maliyyələşirsə, Vergi Məcəlləsinin 101.1-1-ci maddəsində nəzərdə tutulmuş vergitutma forması həmin hüquqi şəxsin işçilərinin əməkhaqqına şamil edilməyəcək və ümumi qaydada Məcəllənin 101.1-ci maddəsinə uyğun olaraq vergi öhdəliyi müəyyən edilməlidir".

Hüquqşünas bildirib ki, bu meyarlar dövlət büdcəsindən maliyyələşən Kütləvi İnformasiya Vasitələrinə Dövlət Dəstəyi Fondu (KİVDF) vasitəsilə KİV-lərə ayrılan maliyyə vəsaitlərinin qeyri-dövlət təşkilatları üçün nəzərdə tutulmuş vergi güzəştlərinə nəzərən vergitutma formasını da müəyyən edir. Özəl sektorda əməkhaqqının 8.000 manatadək olan hissəsinə tətbiq edilən vergi güzəştlərinin belə KİV-lərə şamil olunub-olunmaması ilə bağlı məsələyə də aydınlıq gətirilib. Qeyd olunub ki, bu, Azərbaycan Respublikasının Prezidenti yanında "Kütləvi İnformasiya Vasitələrinin İnkişafına Dövlət Dəstəyi Fondu haqqında" Nizamnamənin tələbləri əsasında tənzimlənir: "Nizamnamənin 5-ci bəndi Fondun vəsaitlərinin formalaşma mənbələrini əks etdirir. Nizamnamənin 5.1.1-ci bəndinə əsasən, "Azərbaycan Respublikasının dövlət büdcəsindən ayırmalar" Fondun maliyyələşmə mənbələrindən biridir. Fondun KİV-lərə ayırdığı maliyyə vəsaitləri göstərilən mənbə hesabına formalaşdığı halda, həmin KİV işçilərinin əməkhaqlarından tutulmalı gəlir vergisi Vergi Məcəlləsinin 101.1-1-ci maddəsində nəzərdə tutulmuş qaydada deyil, ümumi qaydada - Məcəllənin 101.1-ci maddəsinə uyğun olaraq hesablanmalıdır. Bu isə o deməkdir ki, 8.000 manatadək aylıq əməkhaqqının 0 faiz dərəcə ilə gəlir vergisinə cəlb olunması həmin şəxslərə aid edilməyəcək".

Elxan SALAHOV

VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır? VergiHansı halda şirkət sadələşdirilmiş verginin ödəyicisi olmaq hüququnu saxlayır? VergiHesabın bağlanılması və digər filialda yeni hesabın açılması üçün banka təkrar müraciət olunmalıdırmı?