4 Oktyabr 2022

VERGİLƏR

SOSİAL-İQTİSADİ ONLAYN QƏZET

1500-dən çox obyektdə şənlik mərasimlərinə nəzarət həyata keçirilib

Şənlik mərasimlərinin müəyyən olunmuş tələblərə uyğun təşkilinə nəzarət məqsədilə aidiyyəti qurumların nümayəndələrinin iştirakı ilə şadlıq saraylarında gündəlik monitorinqlər davam etdirilir.

Dövlət Vergi Xidmətindən bildirilib ki, monitorinq qrupları tərəfindən bu günədək 1500-dən çox obyektdə şənlik mərasimləri keçirilərkən qayda və şərtlərə əməl olunması vəziyyəti araşdırılıb.

Növbəti monitorinqlər zamanı şənlik mərasimlərinin təşkil olunduğu bir sıra obyektlərdə bəzi qayda pozuntularına rast gəlinib. Bu, əsasən toy keçirilən məkanlarda qonaqların sayının icazə verilən normadan artıq olması, tədbirə qatılanların COVID-19 pasportunun olmaması və sair ilə bağlıdır.
Ümumiyyətlə, bu günədək monitorinq aparılan mərasimlərdə iştirak edən 193 mindən çox qonağın müvafiq sənədləri araşdırılıb, 20 min nəfərədək şəxsdə qanun pozuntusu halları aşkarlanıb. Həmçinin, şənlik təşkil edilən məkanların işçi heyətinin 800 nəfərdən çoxunun tələblərə əməl etmədiyi müəyyən olunub.

Monitorinq qrupları toy və məkan sahibləri ilə profilaktik söhbətlər aparıb, həll edilə bilən nöqsanlar yerindəcə aradan qaldırılıb və şənlik mərasimlərinin qaydalara uyğun davam etdirilməsi təmin olunub. Nümunəvi toy məclislərində yeni ailə quranlara monitorinq qrupları tərəfindən hədiyyələr təqdim ediblər.
Şənlik mərasimləri təşkil edən vergiödəyicilərinin və vətəndaşların nəzərinə bir daha çatdırılır ki, müəyyən edilmiş qayda və şərtlərə tam əməl olunmalı, işçi heyəti zəruri vasitələrlə (tibbi maska, əlcək və digər fərdi qoruyucu vasitələr) təmin edilməlidir.

Məkan sahibləri şənlik məclisləri barədə “icaze.gov.az” portalında müvafiq qeydiyyat aparlmalı, zalların ölçüsünə, qonaq tutumuna, iştirakçıların müvafiq sənədlərə malik olmasına diqqət yetirməlidirlər.

İqtisadiyyatRüfət Quliyev: IGB çox mühüm strateji layihədir İqtisadiyyatBu ilin 9 ayında Azərbaycan nefti 11 faizdən çox bahalaşıb Ekspert Rəyiİdxalı ƏDV-dən azad edilən malların satışı zamanı nələrə diqqət yetirilməlidir? VergiFiziki şəxslərdən kənd təsərrüfatı malları hansı qaydada alınmalıdır? İqtisadiyyatHans Holzhaker: “Azərbaycanın  nəqliyyat qovşağı kimi böyük potensialı var” VergiƏmlakın kirayəyə verilməsi hansı vergi öhdəliyi yaradır? VergiVergi islahatları biznes və investisiya mühitinin təkmilləşdirilməsinə təkan verir VergiVergi sahəsində beynəlxalq əməkdaşlıq genişləndirilir Rəsmi2023-cü il Azərbaycanda “Heydər Əliyev İli” elan edilib VergiNağdsız ödənişin kassa çekində nağd kimi göstərilməsi qanun pozuntusu sayılırmı?