17 Avqust 2022

VERGİLƏR

SOSİAL-İQTİSADİ ONLAYN QƏZET

Əmək müqaviləsi davamlı məşğulluğun qarantıdır

Əmək müqavilələrinin bağlanması və qeyri-rəsmi məşğulluğun rəsmiləşdirilməsi ilə bağlı islahatlar davam etdirilir. 2019 və 2020-ci illərdə ölkəmizdə 200 minə yaxın yeni əmək müqaviləsi bağlanıb.

Millət vəkili Vüqar Bayramov bildirib ki, gizli iqtisadiyyata qarşı mübarizənin güclənməsi qeyri-rəsmi məşğulluğun qarşısının alınması istiqamətində fəaliyyətlərin səmərəliliyini daha da gücləndirib. Son iki ildə 200 minə yaxın yeni əmək müqaviləsininbağlanması qeyri-rəsmi məşğulluğun qarşısının alınmasına xidmət edir.

Əmək müqavilələrinin bağlanması gizli iqtisadiyyatın və qeyri-rəsmi məşğulluğun dairəsinin minimumlaşdırılması baxımından çox vacibdir və bu,iqtisadiyyatın leqallaşmasına şərait yaradır: “Digər tərəfdən, əmək müqaviləsi işçi üçün vacibdir. Çünki işçinin əmək hüquqları bu sənədlə qorunur. Pensiya məbləği işçinin əmək müqaviləsindən və orada əməkhaqqının real göstərilib-göstərilməməsindən birbaşa asılıdır. Əmək müqaviləsinin bağlanması pensiya yaşı tamam olan zaman vətəndaşlara təyin olunan pensiya məbləğlərinə birbaşa təsir göstərəcək və onların daha çox pensiya almasına imkan yaradacaq”.

Millət vəkili işçilərlə əmək müqavilələrinin sahibkarlar üçün xüsusilə karantin tədbirləri zamanı əhəmiyyətini vurğulayıb: “Karantin zamanı rəsmi işləyən sahibkarlar dövlət dəstəyindən faydalana bildilər. İqtisadi paket düzgün işləyən sahibkarlara dəstəyi nəzərdə tutduğuna görə onlar birbaşa və dolayı dəstəkdən yararlanmaq imkanı qazandılar və bu dəstəklər davam etdirilir”.

Fərqanə Allahverdiqızı

VergiVergidən azad olunan gəlirlərin bəyan edilməməsinə görə maliyyə sanksiyası tətbiq olunurmu? VergiDəyişiklikdən sonra faiz gəlirlərindən ödəmə mənbəyində vergi necə hesablanacaq? VergiVergi daxilolmaları 73,2 faiz artıb Ekspert Rəyiİşçilərin nahar fasiləsi fərqli vaxtlarda və fərqli müddətlərdə ola bilərmi? VergiQeyri-rezidentin yerli müəssisəyə ödədiyi borc Azərbaycan mənbəyindən əldə olunmuş gəlir hesab edilirmi? VergiMikro sahibkarlıq subyektlərində gəlirin müəyyən edilməsi Ekspert RəyiCari vergiləri hesablayarkən nələrə diqqət yetirilməlidir? Ekspert RəyiVergi mükəlləfiyyətinin dəyişdirilməsi zamanı qarşıya çıxan məsələlər VergiƏsas vəsaitlərin təmirinə çəkilən xərclər hansı qaydada gəlirdən çıxıla bilər? Ekspert RəyiFiziki şəxslərin əməkhaqqından gəlir vergisinin tutulması