23 May 2022

VERGİLƏR

SOSİAL-İQTİSADİ ONLAYN QƏZET

Vətəndaşlara Yeni il bayramı ərəfəsində “fişinq” kampaniyalarının artması ilə bağlı xəbərdarlıq edilib

Elektron Təhlükəsizlik Xidməti vətəndaşları Yeni il bayramı ərəfəsində məşhur şirkətlərin adından həyata keçirilən “fişinq” kampaniyalarının artması ilə bağlı xəbərdar edir.

Xidmətdən bildirilib ki, bu dəfə istifadəçiləri “tələyə salmaq” və fərdi məlumatlarını ələ keçirmək məqsədilə onlara vatsap üzərindən “Araz Supermarket istehlakçı mükafatlandırma sorğusu” adı altında saxta mesajlar göndərilir.

Mükafatı əldə etmək üçün istifadəçidən keçidə daxil olaraq sorğu formasını doldurması istənilir. Məlumata etimad edərək keçidə daxil olan istifadəçi həmin şirkətin rəsmi səhifəsinə oxşar saxta səhifəyə yönləndirilir. Bununla yanaşı, istifadəçidən həmin mesajı nömrə siyahısında olan 5 qrupa və ya 20 vatsap istifadəçisinə göndərməsi tələb olunur. Bu kimi kiberhücumlarda məqsəd saxta reklam baxışları toplamaqla “asan” yolla gəlir əldə etmək, istifadəçiləri üçüncü tərəf tətbiqləri yükləməyə vadar etmək və fərdi məlumatları ələ keçirməkdir.

Bu növ kiberhücumlardan qorunmaq üçün istifadəçilərdən xahiş olunur ki, sadə kibertəhlükəsizlik qaydalarına əməl etsinlər.

Aldığınız hər mesaja şübhə ilə yanaşın və cəlbedici vədlərə aldanaraq ani hərəkət etməyin, hədiyyə, pulsuz bonus və mükafat təklif edən vədlərə etimad etməyin, şübhəli keçidlərə daxil olmayın, hər zaman məlumatın düzgünlüyünü fərqli əlaqə vasitələrindən istifadə edərək yoxlayın, hər hansı şirkət, qurum və ya təşkilat adından bu kimi məlumatlar aldıqda, ilk əvvəl həmin müəssisə ilə əlaqə saxlayaraq və ya veb-brauzerdə açılan yeni səhifədə onun rəsmi saytına daxil olaraq məlumatın düzgünlüyündən əmin olun, doğruluğundan əmin olmadığınız mesajları digər şəxslərə yönləndirməyin və ya sizə yönləndirilən mesajlara etibar etməyin, ətrafınızdakı şəxsləri də bu kimi elektron təhlükələr barədə məlumatlandırın.

Həmçinin bu kimi hallarla üzləşdikdə “www.cert.az” saytı və ya “reports@cert.az” elektron poçt ünvanı vasitəsilə Elektron Təhlükəsizlik Xidmətinə məlumat verin.

İqtisadiyyatAzərbaycan-Litva biznes-forumu işini müzakirələrlə davam etdirib İqtisadiyyatHicran Hüseynova: Qadınların əmək bazarına lazımi bacarıqlarla çıxması üçün innovativ maliyyə mexanizmləri yaradılmalıdır MüsahibələrEldəniz Əmirov: Vergi daxilolmalarının artması iqtisadi islahatlarla bağlıdır MÜSAHİBƏ İqtisadiyyatAvropa İttifaqı-Azərbaycan biznes forumu keçirilib VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb İqtisadiyyatMikayıl Cabbarov Səngəçal terminalına səfər edib MüsahibələrVasif Eyvazzadə: Azərbaycanda yaradıcı iqtisadiyyatın inkişafı üçün böyük potensial var MÜSAHİBƏ VergiDövlət Vergi Xidmətinin rəisi AHK İmpuls tədbirinin qonağı olub İqtisadiyyatKİV nümayəndələri 195-1 Çağrı Mərkəzi ilə tanış olublar REPORTAJ VergiVergi daxilolmalarının 68,1 faizi qeyri-neft-qaz sektorunun payına düşüb