6 İyun 2020

VERGİLƏR

SOSİAL-İQTİSADİ ONLAYN QƏZET

600 min aztəminatlı şəxsə aprel ayı üzrə birdəfəlik ödənişlər edilib

İşsiz və xüsusi karantin rejiminə görə qazancını itirən qeyri-formal işləyən şəxslərdən ibarət 600 min aztəminatlı şəxsə aprel ayı üzrə birdəfəlik ödənişlər edilib.

Əmək və Əhalinin Sosial Müdafiəsi naziri Sahil Babayev müsahibəsində birdəfəlik ödəmə (190 manat) proqramı ilə əhatə olunan şəxslərin cins, bölgə və yaş qrupları üzrə bölgüsü barədə məlumat verib. Nazir bildirib ki, onların 55 faizini kişilər, 45 faizini isə qadınlar təşkil edir.

S.Babayev bildirib ki, birdəfəlik ödəmə verilənlərin 25 faizi Bakı, 4 faizi Sumqayıt və 3 faizi Gəncə şəhərlərində yaşayanlardır. Qalan 68 faizi isə respublikanın digər bölgələrinin sakinləridir.

Nazir, həmçinin birdəfəlik ödəmə verilənlərdən 8 faizinin 20 yaşa qədər, 42 faizinin 20-30 yaş arası, 25 faizinin 30-40 yaş arası, 14 faizinin 40-50 yaş arası olanlar, qalan 11 faizinin isə 50 yaşdan yuxarı şəxslər təşkil etdiyini bildirib.