16 İyun 2024

VERGİLƏR

SOSİAL-İQTİSADİ ONLAYN QƏZET

İlk dəfə işə qəbul olunan şəxslər proaktiv qaydada sığortaolunan kimi qeydiyyata alınır

Əmək və Əhalinin Sosial Müdafiəsi Nazirliyinin daha bir proaktiv xidməti - ilk dəfə əmək müqaviləsi ilə işə qəbul olunan şəxslərin proaktiv qaydada sığortaolunan kimi qeydiyyata alınması xidməti fəaliyyətə başlayıb. Belə ki, ilk dəfə işə qəbul olunan şəxslərlə bağlı əmək müqaviləsi bildirişi "Əmək müqaviləsi bildirişi" altsisteminə daxil edilərək qeydiyyatdan keçdiyi andan həmin şəxslərə avtomatik olaraq sosial sığorta nömrəsi (SSN) açılır.

Nazirliyin İctimaiyyətlə əlaqələr və kommunikasiya şöbəsindən verilən məlumata görə, bundan əvvəl isə işəgötürən sığortaolunanın qeydiyyata alınması üçün ya "Sığortaolunanın onlayn uçota alınması" elektron xidmətindən istifadə etməli, ya da kağız formasında işçinin müvafiq formada ərizə və digər sənədlərini nazirlik yanında Dövlət Sosial Müdafiə Fonduna təqdim etməli idi. Sonra isə həmin sənədlərə baxılır və sığortaolunanın adına sosial sığorta nömrəsi və bu nömrə ilə fərdi şəxsi hesab açılırdı.

Yeni xidmət nəticəsində artıq həmin prosedura ehtiyac qalmayıb, işçi elə onunla əmək müqaviləsi rəsmiləşdirildiyi gün də SSN-nə malik olur. Daimi xarakter daşıyan SSN ilə də həmin şəxsin fərdi uçot sistemində fərdi şəxsi hesabı formalaşır. Beləliklə, sosial sığorta sisteminin iştirakçısı kimi, bu hesabda gələcək sosial təminatı üçün pensiya kapitalı toplamaq imkanı qazanır.

İlk dəfə işə qəbul olunan şəxslərə avtomatik olaraq SSN açılması xidmətinin xüsusi əhəmiyyəti bu proaktiv xidmətin əhatə etdiyi şəxslərin sayının günbəgün artmasında da özünü göstərir. Bu ilin yanvar ayında fəaliyyətə başlayan bu xidmət vasitəsilə artıq 13000-dən artıq işçi üçün avtomatik olaraq SSN açılıb.

VergiƏDV-dən azadolunma haqqında e-sertifikat kimlərə verilir? VergiSəhiyyə müəssisəsinə ianə edilən vəsaitlərə vergi güzəşti VergiMövsümi turizm fəaliyyəti ilə məşğul olan fiziki şəxsin vergi öhdəlikləri VergiTəhvil-təslim aktı itirildiyi halda alıcı həmin məbləğdən imtina edə bilərmi? VergiVergi ödəyicisi xarici ölkədəki bank hesabı ilə əməliyyatlar apardıqda hansı sanksiya ilə üzləşə bilər? VergiSosial şəbəkədən gəlir əldə edən şəxslərin vergi öhdəliyi VergiVergi uçotuna durmayan fiziki şəxsin məsuliyyəti VergiKənd təsərrüfatı məhsulları idxal edən vergi ödəyicisi ƏDV-ni necə əvəzləşdirə bilər? VergiFəaliyyəti olmayan fiziki şəxs VÖEN-ni necə dayandıra bilər? VergiTaksi fəaliyyəti ilə məşğul olan fiziki şəxslərin vergi və sosial ödənişləri