İşçilərin ixtisarı zamanı işdə saxlanmağa üstünlüyü olan şəxslər kimlərdir?

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti həm işəgötürənlər, həm də işçilər üçün maraqlı olan “İşçilərin ixtisarı zamanı işdə saxlanmağa üstünlüyü olan şəxslər kimlərdir” sualına aydınlıq gətirib.

Dövlət Xidmətinin məlumatına əsasən, ixtisasları (peşələri) və ya peşəkarlıq səviyyələri eyni olduqda, aşağıdakı şəxslərin işdə saxlanmasına üstünlük verilir:

- Şəhid ailəsinin üzvlərinə

- Müharibə iştirakçılarına

- Əsgər və zabitlərin arvadına (ərinə)

- Öhdəsində iki və daha çox 16 yaşınadək uşağı olanlara

- Məcburi köçkün, onlara bərabər tutulan şəxs və qaçqın statusu olan şəxslərə

- Kollektiv və ya əmək müqaviləsində nəzərdə tutulan digər şəxslərə