Bu ilin 7 ayında pensiya, müavinət, təqaüd, ünvanlı yardımlar üzrə əhaliyə 3 milyard 823 milyon manat ödənilib
Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu tərəfindən bu ilin 7 ayı ərzində pensiya, müavinət, təqaüd, ünvanlı dövlət sosial yardımı üzrə əhaliyə 3 milyard 823 milyon manat vəsait ödənilib.
Nazirliyin İctimaiyyətlə əlaqələr şöbəsindən verilən məlumata görə, bu, ötən ilin eyni dövrünə nisbətən 9,3 faiz və ya 324,3 milyon manat çoxdur.
