25 Sentyabr 2020

VERGİLƏR

SOSİAL-İQTİSADİ ONLAYN QƏZET

Rusiyada vergi çıxılması tətbiq edilən tibbi xidmətlərin yeni siyahısı təsdiqlənib

Hökumət sosial vergi çıxılmasını əhatə edən ödənişli tibbi xidmətlərin və bahalı müalicə növlərinin siyahısını yeniləyib.

Buraya ambulatoriya və gündüz stasionarı şəraitində ilkin tibbi-sanitar yardım; stasionar şəraitdə ixtisaslaşdırılmış tibbi yardım (yüksək texnologiyalar istisna edilməklə); tibb müəssisəsindən kənarda, ambulatoriya şəraitində və stasionarda təcili tibbi yardım xidmətləri daxildir. Vergi çıxılması həmçinin tibbi evakuasiya xidmətlərini və sanatoriya-kurort müalicəsi zamanı göstərilmiş xidmətləri, eləcə də evdə göstərilməsi də daxil olmaqla palliativ tibbi yardımın ayrı-ayrı növlərini əhatə edir.

Vergi çıxılması tətbiq olunan bahalı müalicə növlərinin siyahısına isə anadangəlmə və sonradan yaranmış diş qüsurlarının ortopedik müalicəsi, mövcud siyahı üzrə yüksək texnologiyalı tibbi yardım, sonsuzluğun müalicəsi və s. daxildir.