9 Avqust 2022

VERGİLƏR

SOSİAL-İQTİSADİ ONLAYN QƏZET

ABŞ Çini "valyuta ilə manipulyasiya edən ölkələr" siyahısından çıxarıb

ABŞ Maliyyə Nazirliyinin Konqresə ünvanladığı yarımillik hesabatda artıq Çinin öz milli valyutası ilə məzənnə manipulyasiyası etmədiyi qeyd olunur. Hesabatda ötən ilin sentyabrında Çin milli valyutasının ABŞ dollarına qarşı məzənnəsinin 1 dollar = 7,18 yuan olduğu halda, hazırda məzənnənin 1 dollar = 6,92 yuan səviyyəsinə düşdüyü bildirilir. “Bu kontekstdə hazırda nazirlik Çinin daha valyuta ilə manipulyasiya edən ölkə kimi qəbul edilməməli olduğunu müəyyənləşdirib”, - deyə hesabatda qeyd olunur.

Qeyd edək ki, iki ölkə arasında təxminən iki il müddətində davam edən “ticarət müharibəsi” fonunda ABŞ-ın Maliyyə Nazirliyi ötən ilin avqustunda Çini “valyuta ilə manipulyasiya edən ölkə” adlandırmışdı. Nazirlik Çin Xalq Bankının yuanın məzənnəsini aşağı salmaqla çinli ixracatçılara dünya bazarlarında qiymət üstünlüyü yaratdığını və ABŞ-da Çin mallarına qoyulmuş tarif hesabına yaranan ziyanı qismən yumşalmasına nail olduğunu iddia etmişdi. Həmin vaxt ABŞ Prezidenti Donald Tramp da “Twitter” səhifəsində bunu “valyuta manipulyasiyası” adlandırmışdı.

Çin ilə Birləşmiş Ştatlar arasında ticarət müharibəsi 2018-ci ilin baharında başlanıb. O vaxt Vaşinqton bir sıra ölkələrdən, o cümlədən Çindən alüminium və polad idxalına rüsumların artırılması barədə qərar qəbul edib. Bundan sonra tərəflər bir neçə dəfə qarşılıqlı olaraq idxal rüsumlarını artırmışdılar. “Böyük iyirmilik” ölkələrinin 2018-ci ilin dekabrında Buenos-Ayresdə keçirilmiş zirvə görüşündə Prezident Donald Tramp və ÇXR Sədri Si Cinpin ticarət mübahisələrini həll etmək üçün danışıqlara başlanmasına qərar vermişdilər. Ticarət danışıqlarının ötən ilin oktyabrında Vaşinqtonda keçirilmiş 13-cü mərhələsində ticarət sövdələşməsinin birinci fazası üzrə razılaşma əldə olunub. Bir neçə gün əvvəl isə Çin Kommersiya Nazirliyi yaxın günlərdə Vaşinqtonda ABŞ ilə Çin arasında ticarət sövdələşməsinin birinci fazası üzrə razılaşma imzalanacağını, bu məqsədlə Çin Dövlət Şurası sədrinin (Baş Nazir) müavini Liu Xının rəhbərliyi ilə nümayəndə heyətinin yanvarın 13-də Vaşinqtona səfərə yollanacağını bəyan etmişdi. Artıq Çin nümayəndə heyəti Birləşmiş Ştatların paytaxtındadır.

Ekspert RəyiCari vergiləri hesablayarkən nələrə diqqət yetirilməlidir? Ekspert RəyiVergi mükəlləfiyyətinin dəyişdirilməsi zamanı qarşıya çıxan məsələlər VergiƏsas vəsaitlərin təmirinə çəkilən xərclər hansı qaydada gəlirdən çıxıla bilər? Ekspert RəyiFiziki şəxslərin əməkhaqqından gəlir vergisinin tutulması İqtisadiyyatSahibkarlığa dövlət dəstəyi davam etdirilir VergiVergi islahatları sağlam və rəqabətli biznes mühitinə dəstək verir VergiVergi islahatları: şəffaflıq, dürüstlük, hesabatlılıq VergiSəmərəli vergi siyasəti vergi daxilolmalarının artımına zəmin yaradır VergiƏmlakı icarəyə verən hüquqi şəxsin hansı vergi öhdəlikləri yaranır? İqtisadiyyatAzərbaycan sulfat turşusu və şüşə taralar ixrac edəcək