Çin Futbol Federasiyası (CFA) Çin Süper Liqasında yarışan klublarla keçirdiyi iclasdan sonra 2020-ci il mövsümü üçün maaşların azaldılacağı barədə açıqlama verib.

CFA-nın yeni siyasətinə əsasən, yerli futbolçuların illik maaşları vergilər də daxil olmaqla 10 milyon yuan (1,45 milyon dollar), əcnəbi futbolçuların illik maaşları isə vergilər çıxılmaqla 3 milyon avrodan artıq olmayacaq.

Bununla birlikdə yerli klubların xərcləri də 1,1 milyard yuan (təxminən 160 milyon dolar) ilə məhdudlaşdırılıb və klublarda maaşlar üçün ayrılan vəsait ümumi xərclərin 60 faizindən çox olmamalıdır.