Ölkədə yeni qüvvəyə minmiş qanun dəyişikliyinə əsasən, öz işçiləri üçün istirahət, idman tədbirləri və digər mədəni-kütləvi tədbirlər təşkil edən işəgötürənlər vergi güzəştindən faydalana biləcəklər. Dəyişikliklərdə işəgötürənlərin aşağıdakı xərcləri ilə bağlı vergi güzəştlərinin şərtləri və meyarları müəyyənləşdirilib:

• əməkdaşlar arasında əlaqələrin yaxşılaşdırılmasına və sağlamlığın gücləndirilməsinə xidmət edən idman tədbirlərinin təşkili;
• iş yerində işçilərin istirahəti üçün ofislərin tikintisi və ya təmiri, eləcə də avadanlıqların alınması;
• işçilərin kollektiv istirahət üçün çəkdikləri xərclərin kompensasiya edilməsi.