Türk Hava Yolları 8-ci dəfə “Avropanın ən yaxşısı” seçilib

Türk Hava Yolları səkkizinci dəfə "Avropanın ən yaxşı aviaşirkəti" mükafatına layiq görülüb. “Aviasiya sənayesinin Oskarları” kimi tanınan mükafatlar Paris Hava və Kosmos Muzeyində keçirilən tədbirdə təqdim edilib.

İngilis, fransız, ispan, rus, yapon və çin dillərində nəşr edilən “Skytrax”ın (Beynəlxalq Hava Nəqliyyatı Reytinq Agentliyi) keçirdiyi sorğuda 100-dən çox ölkə vətəndaşları iştirak edib. Sorğu iştirakçılarının 20,23 milyon cavabına əsasən 325 şirkət arasından qaliblər müəyyən edilib. Türk Hava Yolları əsas mükafatla yanaşı, “Dünyanın ən yaxşı biznes klas iaşə xidməti”, “Dünyanın ən yaxşı ekonom klas iaşə xidməti”, “Cənubi Avropanın ən yaxşı aviaşirkəti” və “Avropanın ən yaxşı iqtisadiyyat xidməti” mükafatlarına da layiq görülüb.

Bu hadisəni şərh edən Türk Hava Yolları şirkətinin baş direktoru Bilal Ekşi deyib: "Səkkizinci dəfə “Avropanın ən yaxşı aviaşirkəti” mükafatına layiq görülməkdən qürur duyuruq. Bu mükafat bayrağımızla təmsil olunan markamızın sənayedəki liderlik mövqeyini gücləndirir. Bütün sahələrdə xidmət anlayışımızı təkmilləşdirməyə və qonaqlarımızı ən yaxşı şəkildə qəbul etməyə davam edəcəyik".

“Skytrax” agentliyinin baş icraçı direktoru Edvard Playsted deyib: "2023-cü il Türk Hava Yolları üçün mükafatlar baxımından çox gözəl il oldu. Səkkizinci dəfə “Avropanın ən yaxşı aviaşirkəti” olaraq birinci mükafatı almaq heyrətamiz bir nailiyyətdir”.