Böyük Britaniyanın “Financial Times” qəzetinin yazdığına görə, Krallığın biznes, energetika və sənaye strategiyası naziri Qranta Şapps Avropa İttifaqı (Aİ) ilə Böyük Britaniyanın üçüncü ölkələrdən idxal edilən mallara birgə transsərhəd karbon vergisi tətbiq etmək niyyətində olduqlarını açıqlayıb.

Tərəflər təhlükəli sənayelərin şirkətlər tərəfindən ekoloji təhlükəsizlik standartları daha zəif olan ölkələrə ötürülməsi ilə bağlı mümkün riskləri qiymətləndirməyi planlaşdırırlar. Bu məsələyə dair yekun qərar yaxın gələcəkdə aparılması nəzərdə tutulan məsləhətləşmələrdən sonra veriləcək.

Qəzetin xəbərində bildirilir ki, Böyük Britaniyanın baş naziri Rişi Sunak artıq Almaniya kansleri Olaf Şolz ilə məsələni müzakirə edib və tərəflər Aİ-yə idxal olunan mallara birgə karbon vergisinin tətbiqi ilə bağlı addımlar atmaq barədə razılığa gəliblər.