“Brexit”in Böyük Britaniya iqtisadiyyatına təsiri açıqlanıb
İngiltərə Mərkəzi Bankının (BoE) Pul Siyasəti Komitəsinin kənar üzvü Conatan Haskelin apardığı yeni araşdırmaya görə, Böyük Britaniyanın Avropa İttifaqından çıxması ölkədəki biznes investisiyalarına 29 milyard funt sterlinqə (35 milyard dollardan çox) başa gəlib və məhsuldarlığın yavaşlamasını gücləndirib.
Araşdırma göstərir ki, 2016-cı il referendumundan sonra biznes investisiyalarındakı azalma Böyük Britaniyanın ümumi daxili məhsulunun 1,3 faizinə və ya ailə başına təxminən 1.000 funt sterlinqə (1.221 dollar) bərabər olub.
BoE-nin eksperti Avropa İttifaqından (Aİ) ayrılma referendumundan sonra Böyük Britaniyanın əvvəlki altı ilin tendensiyasından geri qalmağa başladığını və digər əsas sənayeləşmiş iqtisadiyyatlarla müqayisədə "daha çox zərər gördüyünü" qeyd edib.
Haskelin şərhləri BoE siyasətçisi Caterine Mannın fevral ayının əvvəlində İngiltərənin Aİ azad ticarət zonasından çıxmasının ölkədə hiperinflyasiyaya səbəb olduğuna dair açıqlamasını tamamlayır.
Böyük Britaniyada keçən il 11,1 faizlə dörd ilin ən yüksək səviyyəsinə çatan inflyasiya qlobal enerji qiymətlərindəki azalma fonunda bir qədər səngiyərək 10,5 faizə düşsə də, BoE-nin 2 faizlik hədəfindən hələ çox yuxarıdır.
