İzafi var-dövlət sahibi olan bir qrup Davosda keçirilən Dünya İqtisadi Forumunda dünya liderlərinə və biznes ictimaiyyətinə müraciət edərək ifrat bərabərsizliyi aradan qaldırmaq üçün varlılardan tutulan vergilərin artırılması təkülifini irəli sürüb.

PRIME agentliyinin yazdığına görə, 13 ölkədən 205 multimilyoner və milyarderdən ibarət qrup forum iştirakçılarına “Ekstremal sərvətin dəyəri” başlıqlı açıq məktub göndərərək, milyardlarla insanın həyatında dərinləşən böhranının öhdəsindən gəlməyə kömək etmək üçün izafi sərvətlərə yeni vergilərin tətbiq olunmasına çağırıb.

“Sosial təbəqələşmənin əsas səbəbi ilə mübarizə aparmasanız, bölünmüş dünyada əməkdaşlığı müzakirə etmək üçün Davosda qlobal elitaların görüşü mənasızdır”, - açıq məktubda deyilir: “Problemin həlli hər kəsə bəllidir. Bizə, super zənginlərə vergi qoymaq və bu prosesə elə indidən başlamaq lazımdır”.