18 İyun 2024

VERGİLƏR

SOSİAL-İQTİSADİ ONLAYN QƏZET

Məhkəmə vergidən yayınmaqda ittiham olunan Nobel mükafatı laureatına bəraət verib

Filippin Vergi Apelyasiya Məhkəməsi Nobel mükafatı laureatı Maria Ressaya və onun rəhbərlik etdiyi “Rappler” nəşrinə vergidən yayınma ilə bağlı dörd iş üzrə bəraət verib. İddialar 2018-ci ildə Rodriqo Duterte hökuməti tərəfindən irəli sürülmüşdü.

İstintaq Maria Ressanı “North Base Media” və “Omidyar”ın təmsil etdiyi xarici investorlarla ortaqlıq yolu ilə kapital cəlb edərkən vergidən yayınmaqda ittiham edirdi. Filippin Arbitraj Məhkəməsinin 2018-ci ildə çıxardığı qərarda göstərilmişdi ki, xarici investorlara depozit qəbzlərinin verilməsi konstitusiya ilə qadağan edilmiş xarici nəzarət forması sayıla bilər.

“CNN” xanım M.Ressanın açıqlamasını yayıb: “Bu gün faktlar qalib gəlir, həqiqət qalib gəlir, ədalət qalib gəlir”. M.Ressa ona və “Rappler”ə qarşı qaldırılan işin siyasi məqsəd daşıdığını bildirib.

Qeyd edək ki, “Rappler” 2012-ci ildə Maria Ressa tərəfindən yaradılıb və keçmiş prezident Rodriqo Dutertenin administrasiyasının fəaliyyətinə tənqidi münasibəti ilə fərqlənib. 2018-ci ildə “Rappler”in əməkdaşları prezidentin iştirak etdiyi tədbirləri işıqlandırmaqdan uzaqlaşdırılıb. Ümumilikdə nəşrin əməkdaşlarına qarşı 11 iddia qaldırılıb.

Keçən il oktyabrın 8-də isə Mariya Ressa Rusiyada nəşr olunan “Novaya qazeta”nın baş redaktoru Dmitri Muratovla birlikdə Nobel Komitəsi tərəfindən “demokratiya və davamlı sülh üçün ilkin şərt olan ifadə azadlığını qorumaq səylərinə görə” Sülh Mükafatına layiq görülüb.

VergiƏDV-dən azadolunma haqqında e-sertifikat kimlərə verilir? VergiSəhiyyə müəssisəsinə ianə edilən vəsaitlərə vergi güzəşti VergiMövsümi turizm fəaliyyəti ilə məşğul olan fiziki şəxsin vergi öhdəlikləri VergiTəhvil-təslim aktı itirildiyi halda alıcı həmin məbləğdən imtina edə bilərmi? VergiVergi ödəyicisi xarici ölkədəki bank hesabı ilə əməliyyatlar apardıqda hansı sanksiya ilə üzləşə bilər? VergiSosial şəbəkədən gəlir əldə edən şəxslərin vergi öhdəliyi VergiVergi uçotuna durmayan fiziki şəxsin məsuliyyəti VergiKənd təsərrüfatı məhsulları idxal edən vergi ödəyicisi ƏDV-ni necə əvəzləşdirə bilər? VergiFəaliyyəti olmayan fiziki şəxs VÖEN-ni necə dayandıra bilər? VergiTaksi fəaliyyəti ilə məşğul olan fiziki şəxslərin vergi və sosial ödənişləri