Böyük Britaniya ƏDV ilə bağlı qanunçuluqda təkmilləşdirmə aparacaq

Böyük Britaniya kansleri Filipp Hammond əlavə dəyər vergisi (ƏDV) sahəsində islahatların aparılması ilə bağlı nəzərdə tutulan layihələr barədə məlumat verib.
Onun sözlərinə görə, yaxın aylarda Böyük Britaniyanın açıqlayacağı proqram sənədlərində inzibati yüklülüyün azaldılması və dövlət serktorunda məhsuladarlığın artırılması məqsədi ilə mərkəzi hökumət üçün ƏDV-nin qaytarılması qaydalarında potensial islahat aparmaq nəzərdən keçiriləcək.
Hökumət Dövlət Xəzinədarlığının Panama "sənədləri" ilə bağlı qalmaqaldan sonra ƏDV-nin idarə edilməsi ilə bağlı məsələyə baxaraq əldə edilən nəticələri və tövsiyələri ictimaiyyətə açıqlayacaq.