“Fitch reytinq agentliyi” ABŞ-ın bu il və gələn il üçün artım proqnozlarını aşağı salıb, inflyasiyanın və FED-in faiz artımının ABŞ iqtisadiyyatını tənəzzülə sürükləyəcəyi barədə xəbərdarlıq edib.

Hesabatda bildirilir ki, iqtisadiyyat gələn ilin yazında 1990-cı il tipli tənəzzüllə üzləşcək, FED-in kütləvi faizi davamlı şəkildə yuxarı qaldırması gələn ilin yazından Amerika iqtisadiyyatında açıq şəkildə hiss olunacaq.

İyun ayında ABŞ-da iqtisadiyyatın bu il 1,5 faiz böyüyəcəyini proqnozlaşdıran "Fitch" həmin rəqəmi 0,5 faizə endirib.

Reytinq agentliyinin dünyanın ən böyük iqtisadiyyatının tənəzzül astanasında olması ilə bağlı proqnozunu investorlar, iqtisadçılar və biznes liderləri təşvişlə qarşılayıblar.

Bununla belə, agentiliyin ekspertləri ABŞ-da gözlənilən tənəzzülün “olduqca mülayim" keçəcəyi qənaətindədirlər.