25 May 2024

VERGİLƏR

SOSİAL-İQTİSADİ ONLAYN QƏZET

Aİ ölkələri qlobal korporativ verginin tətbiqi ilə bağlı razılığa gələ bilməyiblər

Avropa İttifaqına üzv ölkələrin maliyyə nazirləri İqtisadi və Maliyyə Məsələləri Şurasının (ECOFIN) iclası üçün Lüksemburqda bir araya gəliblər.

Macarıstanın maliyyə naziri Mixay Varqa iclasın ictimaiyyət üçün açıq hissəsində bəyan edib ki, ölkəsi inidki mərhələdə qlobal korporativ vergi islahatını dəstəkləyə bilməz. Bu məsələnin hələ hazır olmadığına diqqət çəkən M.Varqa, problemin həlli üçün səylərin davam etdirilməsinin vacibliyini vurğulayıb.

İclas ərəfəsində Macarıstanın xarici işlər və xarici ticarət naziri Peter Siyyarto mövzu ilə bağlı açıqlama verərək, COVID-19 pandemiyası və Rusiya-Ukrayna müharibəsi ucbatından Avropanın dərin iqtisadi problem yaşadığını və bu mərhələnin qlobal minimum verginin tətbiqi üçün uyğun vaxt olmadığını bildirmişdi.

Hazırda Aİ ölkələri arasında ən aşağı korporativ vergi dərəcəsi Macarıstandadır: cəmi 9 faiz təşkil edir. Aİ ölkələri arasında Macarıstandan başqa Polşa da qlobal korporativ verginin tətbiqinə qarşı idi. Lakin Polşa bu yaxınlarda öz mövqeyini dəyişib.

Qeyd edək ki, İqtisadi Əməkdaşlıq və İnkişaf Təşkilatının (OECD) 2012-ci ildən bəri üzərində işlədiyi qlobal korporativ verginin tənzimlənməsi ilə bağlı ötən ilin oktyabrında razılaşma əldə edilib.

Dünyanın ən böyük iqtisadiyyata malik 20 ölkəsinin liderləri də 2021-ci ilin oktyabrında Romada keçirilən G20 Başçıları Sammitində minimum qlobal verginin tətbiqi ilə bağlı sazişi təsdiqləyiblər.

Saziş “Google”, “Amazon”, “Microsoft” və “Facebook” kimi internet şirkətləri də daxil olmaqla transmilli şirkətlərdən 2023-cü ildən etibarən ən azı 15 faiz korporativ vergi tutulacağını nəzərdə tutur. Sazişin qüvvəyə minməsi ilə transmilli şirkətlərin İrlandiya və Macarıstan kimi cəlbedici vergi dərəcələri təklif edən ölkələrdə öz qərargahlarını yaradaraq vergidən yayınmalarının çətinləşəcəyi gözlənilir.

VergiGünlük kirayə verilən evlərə görə nə qədər vergi ödənilməlidir? VergiVergiləri onlayn qaydada necə ödəyək? VergiFiziki şəxsin icarədən gəlirləri hansı formada vergiyə cəlb olunur? VergiPərakəndə satış təşkil edən sahibkar kassa aparatı quraşdırmalıdırmı? VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı