İspaniya məhkəməsi Joze Mourinyonun vergi borcunun bir hissəsini ləğv edib

İspaniyanın Milli Məhkəməsi tanınmış futbol məşqçisi Jose Mourinyoya qarşı qaldırılmış iddia əsasında gəlir vergisi ilə bağlı 2018-ci ildə ona kəsilmiş pul cəriməsinin qismən ləğv edilməsi haqqında qərar çıxarıb. Məhkəmənin qərarına əsasən, J.Mourinyonun İspaniyanın “Real Madrid” klubunda işlədiyi dövrə (2010-2012-ci illər) aid vergi borcunun 571 min 73 avroluq hissəsi ləğv edilib.

Hazırda İtaliyanın “Roma” komandasında baş məşqçi vəzifəsində çalışan portuqaliyalı futbol mütəxəssisinin etirazını qəbul edən məhkəmə tərəfindən verilən açıqlamada onun 881 min 368 min avro məbləğində vergi cəzasının bir hissəsinin ləğv olunduğu göstərilib.

Beləliklə, J.Moruinyo İspaniyanın dövlət büdcəsinə 310 min 295 avro vergi cəriməsi ödəməlidir.