15 İyul 2024

VERGİLƏR

SOSİAL-İQTİSADİ ONLAYN QƏZET

Aİ-də transmilli şirkətlərin ödədikləri vergilərin açıqlanması məcburi olacaq

Avropa İttifaqı (Aİ) qurumları - Aİ Şurası, üzv ölkələr və Avropa Parlamenti təmsilçiləri arasında illik gəlirləri 750 milyon avrodan çox olan transmilli şirkətlərin ödədikləri vergilərin məbləğinin açıqlamasını məcburi səviyyəyə gətirəcək tənzimləyici sənədin qəbulu ilə bağlı razılıq əldə edilib.

Vergi sahəsində şəffaflığı artırmaq məqsədilə hazırlanmış “Ölkə miqyasında ictimaiyyətə açıq hesabatvermə” adlı tənzimləyici sənədə əsasən, son iki maliyyə ilində ümumi gəlirləri 750 milyon avrodan çox olan bütün transmilli şirkətlər mərkəzi ofislərinin Aİ ölkələrində yerləşib-yerləşməməsindən asılı olamayarq Aİ ölkələrində ödədikləri vergilərə dair məlumatları ictimaiyyətə açıqlamalı olacaqlar.

Vergilər haqqında hesabat elektron formatda, vahid bir Aİ şablonu ilə veriləcək. Hesabatda ödənilmiş verginin məbləğindən əlavə, mənfəət və zərər, hər ölkədə məşğulluğa cəlb olunan insanların sayı kimi məlumatlar da göstəriləcək.

Razılaşdırılmış bu tənzimləmə sənədinin qanuna çevrilməsi üçün Aİ Şurası və Avropa Parlamenti tərəfindən rəsmi təsdiqlənməsi tələb olunur. Sənəd təsdiq ediləndən sonra üzv ölkələr onu 18 ay ərzində milli qanunvericilyə daxil edəcəklər.

Qeyd edək ki, rəsmi statistikaya əsasən, transmilli şirkətlərin müxtəlif üsullarla vergidən yayınması Avropada hər il 50 milyard avro həcmində büdcə itkisinə səbəb olur.

VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır? VergiƏDV-nin bir hissəsinin geri qaytarılması hansı mallara aiddir? VergiNəqliyyat vasitəsini icarəyə götürən müəssisənin hansı vergi öhdəliyi yaranır? VergiVergi ödəyicisinin fəaliyyətinin aktivləşməsi hansı öhdəliklər yaradır?