Rusiyada fəaliyyət göstərən Təbii Monopoliya Problemləri İnstitutu tərəfindən “Aİ-də transsərhəd karbon tənzimlənməsi: Rusiya ixracatçılarının diskriminasiyaya uğramasına necə yol verməməli?” mövzusunda analitik məruzə hazırlanıb.

Məruzədə qeyd olunub ki, Avropa İttifaqının (Aİ) öz iqtisadiyyatını və sənayesini karbondan “təmizləməsinin” əsasında atmosferə tullantılar üçün ticarət kvotalarının müəyyənləşdiirlməsi dayanır. Bu strategiya çərçivəsində 2019-cu ildən başlayaraq işlənilən mexanizm Aİ-yə ixrac edilən məhsullara görə karbon vergisinin tətgbiqinə əsaslanır. İdxalçılar üçün transsərhəd karbon vergisi haqqında qanun layihəsi hazırda işlənmə mərhələsindədir. Məhsullarda karbon amilinin müəyyənləşdirilməsi metodu və bunun əhatə dairəsi hələ dəqiqləşdirilməyib.

Avropa Komsissiyasının bu mexanizmin əsas parametrlərini əhatə edən qanun təklifinin iyunun 14-də irəli sürüləcəyi, verginin isə 2025-ci ildən tətbiq ediləcəyi gözlənilir.

Qanunun indiki şərtlər daxilində qəbul edilməsi Rusiya ixracatçılarına hər il 2,2 milyard dollara başa gələcək ki, mütəxəssislərin qənaətinə əsasən, bu, Rusiyanın bir sıra istehsalçılarının Avropa bazarından çıxması ilə nəticələnə bilər.