4 Oktyabr 2022

VERGİLƏR

SOSİAL-İQTİSADİ ONLAYN QƏZET

Aİ İngiltərəni "Brexit" sazişinin şərtlərini pozmaqda ittiham edir

Avropa İttifaqı (Aİ) Komissiyası sədrinin müavini Maros Sefkoviç İngiltərə hökumətinin, xüsusi olaraq da qida və kənd təsərrüfatı məhsulları ticarətində 1 sentyabra qədər gömrük yoxlaması aparılmayacağı barədə bəyanatından sonra yazılı açıqlama verib.

Açıqlamada İngiltərənin birtərəfli hərəkətindən narahatlıq ifadə olunub, bunun Aİ ilə Böyük Britaniya arasındakı "Brexit" Ayrılma Sazişi və Şimali İrlandiya Protokolu şərtlərinin pozulması mənasını daşıdığı qeyd edilib.

İngiltərənin bundan əvvəl də "Brexit" sazişinin bəzi maddələrini dəyişdirəcək bir layihə təşəbbüsündə olduğu xatırladılan açıqlamada ingilislərin Aİ-ni məlumatlandırmadan birtərəfli davranmasının konstruktiv addım olmadığı və təəssüf doğurduğu vurğulanıb.

Açıqlamada bu vəziyyətin beynəlxalq hüquqa zidd olduğuna diqqət yönəldilərək Aİ Komissiyasının Breksit sazişində müəyyənləşdirilmiş qanuni yallara uyğun hərəkət edəcəyi barədə xəbərdarlıq olunub.

Qeyd edək ki, "Brexit" sazişinə görə, Böyük Britaniya Aİ-ən ayrılsa da, Şimali İrlandiya Aİ ilə gömrük birliyində qalır.

İngiltərə, Şotlandiya, Şimali İrlandiya və Uelsdən ibarət Birləşmiş Krallıqda 2016-cı ildə aparılmış referendumda Aİ-dən ayrılmaq qərarı alınıb.

Aİ-dən ayrılan İngiltərə Aİ ilə ikili münasibətlərə dair danışıqlar aparıb və tərəflərin imzaladığı ticarət sazişinə əsasən, bu il yanvarın 1-dən gömrük vergisi və kvotalar tətbiq olunmadan ticarəti davam etdirmək qərara alınıb.

İqtisadiyyatRüfət Quliyev: IGB çox mühüm strateji layihədir İqtisadiyyatBu ilin 9 ayında Azərbaycan nefti 11 faizdən çox bahalaşıb Ekspert Rəyiİdxalı ƏDV-dən azad edilən malların satışı zamanı nələrə diqqət yetirilməlidir? VergiFiziki şəxslərdən kənd təsərrüfatı malları hansı qaydada alınmalıdır? İqtisadiyyatHans Holzhaker: “Azərbaycanın  nəqliyyat qovşağı kimi böyük potensialı var” VergiƏmlakın kirayəyə verilməsi hansı vergi öhdəliyi yaradır? VergiVergi islahatları biznes və investisiya mühitinin təkmilləşdirilməsinə təkan verir VergiVergi sahəsində beynəlxalq əməkdaşlıq genişləndirilir Rəsmi2023-cü il Azərbaycanda “Heydər Əliyev İli” elan edilib VergiNağdsız ödənişin kassa çekində nağd kimi göstərilməsi qanun pozuntusu sayılırmı?