25 Fevral 2024

VERGİLƏR

SOSİAL-İQTİSADİ ONLAYN QƏZET

Sahibkarlıqla məşğul olmaq istəyən gənclərə dəstək

Kənd Təsərrüfatı Nazirliyi kənd yerlərində yaşayan gənclərin məşğulluğunun təmin edilməsi, onların kiçik sahibkarlıq fəaliyyətlərinin dəstəklənməsi üçün yeni layihənin icrasına başlayıb. Artıq 1000-dək gənc "Aqrar məşğulluğun artırılması" layihəsində iştirak etmək üçün qeydiyyatdan keçib. İlkin seçim mərhələsini uğurla başa vurmuş 300 gənc təlimlərə cəlb ediləcək.

Kənd Təsərrüfatı Nazirliyi yanında Aqrar Kredit və İnkişaf Agentliyinin sədri Mirzə Əliyevin sözlərinə görə, layihənin məqsədi Azərbaycanın nümunəvi fermerlərini formalaşdırmaqdır: "İstəyirik ki, gənclər kənd yerlərindən şəhərə getmək məcburiyyətində qalmasınlar. Layihədə iştirak üçün əsas seçim kriteriyası gənclərin kənd təsərrüfatı ilə məşğul olmaq həvəsi və kənd yerlərində yaşamaq istəməsidir. Həmin gənclərə minimum baza bilikləri aşılanacaq, seçdikləri sahədən asılı olaraq dəstək göstəriləcək. Daha sonra isə onların maliyyəyə çıxışı dəstəklənəcək".

Qeyd edilib ki, bu layihənin həyata keçirilməsi ilə kənd yerlərində yaşayan gənclər mikro sahibkar kimi formalaşacaq, onlara 2.000 manatdan başlayaraq maliyyə vəsaiti veriləcək: "Bu, nağd pul şəklində deyil, onlara maddi-texniki baza yaradılması formasında ola bilər. Həmçinin, gələcəkdə gənclərin innovativ ideyalarının reallaşdırılması üçün qrantlar verilməsi nəzərdə tutulur”.

Agentlik rəhbəri vurğulayıb ki, belə layihələrə beynəlxalq və dövlət qurumları, aidiyyəti nazirliklər də yaxından maraq göstərirlər. Bəzi özəl qurumlar agentliyə müraciət edərək layihənin tərəfdaşı olmaq istədiklərini bildiriblər.

VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır? VergiHansı halda şirkət sadələşdirilmiş verginin ödəyicisi olmaq hüququnu saxlayır? VergiHesabın bağlanılması və digər filialda yeni hesabın açılması üçün banka təkrar müraciət olunmalıdırmı?