27 İyul 2024

VERGİLƏR

SOSİAL-İQTİSADİ ONLAYN QƏZET

Elektron Kredit Platforması iqtisadiyyata investisiya axınını sürətləndirir

Bu platformanın yaradılması mürəkkəb iqtisadi şəraitdə biznesin maliyyə resurslarına əlçatanlığının təmin edilməsi baxımından mühüm addım kimi dəyərləndirilir.

İqtisadçı ekspert Elşad Məmmədov yeni elektron resursun iqtisadiyyata investisiyaların yönəldilməsinin çevikliyinə xidmət etdiyini vurğulayıb: “Hazırda ölkə iqtisadiyyatının dayanıqlı inkişafı nöqteyi-nəzərindən, əsasproblemlərdən biri biznesin kreditə və bütövlükdə maliyyə resurslarına əlçatanlığı ilə bağlıdır. Bu, qoyulan investisiyaların həcmində də özünü göstərir. İnvestisiyalar iqtisadi inkişafın mühərriki rolunda çıxış edir. Ona görə də Elektron Kredit Platformasının yaradılması kreditləşmə prosesinin, iqtisadiyyata investisiyaların daxil olmasının çevikliyini, sürətliliyini təmin edir”.

Ekspert qeyd edib ki, Elektron Kredit Platforması sahibkarın şəffaf, çevik, məmur mudaxiləsindən kənar, sağlam rəqabət mühitində kredit alması məqsədi daşıyırvə sahibkar tərəfindən izlənə bilən rəqəmsal həllə söykənir: “Dövlət dəstəyinin elektron platforma üzərindən həyata keçirilməsi mexanizmi MDB-də ilk dəfə Azərbaycanda tətbiq olunur. Bu platforma sahibkarlıq subyektlərinin maliyyə resurslarına çıxış imkanlarının daha da asanlaşdırılmasına, kredit sifarişlərinə qısa zaman ərzində baxılmasına, müraciətlərin operativ şəkildə qəbuluna, kredit təşkilatları və Sahibkarlığın İnkişafı Fondu tərəfindən zəruri təhlillərin aparılmasına, qərarların sahibkarlara çatdırılmasına imkan yaradır.

Kreditləşmə daha çox bank sektoru ilə bağlıdır. İqtisadiyyat Nazirliyinin funksionallığına daxil olan istiqamətlərdə Sahibkarlığın İnkişafı Fondu vasitəsilə kreditləşmənin reallaşdırılmasında biznes mühiti üçün kifayət qədər böyük imkanlar yaradılıb. Ölkə Prezidentinin tapşırığı ilə həyata keçirilən antiböhran tədbirlərinə nəzər salsaq görərik ki, biznesin ciddi şəkildə subsidiyalaşdırılması prosesi məhz Sahibkarlığın İnkişafı Fondu vasitəsilə reallaşdırılır. Bu istiqamətdə İqtisadiyyat Nazirliyinin sahibkarların maliyyə resurslarına çıxışı, investisiya axınlarının intensivləşdirilməsi baxımındanbiznesə dəstəyi təqdirəlayiqdir”.

VergiSığorta məbləğinin gəlirdən çıxılması VergiMəcburi dövlət sosial sığorta haqları üzrə borcların silinməsi VergiSadələşdirilmiş verginin ödəyicilərinə vergi güzəşti VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır?