25 May 2022

VERGİLƏR

SOSİAL-İQTİSADİ ONLAYN QƏZET

Kredit ödənişlərinə verilən güzəşt müddətindən sui-istifadə yolverilməzdir

2020-ci ilin sentyabr ayına qədər kreditlərə olan güzəştlərin müsbət tərəfi ilə yanaşı, problemli kreditləri artıracağı qaçılmaz olacaq. İqtisadçı ekspert Eldəniz Əmirov kreditlərlə bağlı "vergiler.az"a açıqlamasında bildirib ki, buna pandemiya şəraitində əhali və iş adamlarının gəlirlərinin kəskin azalması təsir edə bilər: "Digər tərəfdən, "məsuliyyət indeksi"nin aşağı olduğu vətəndaşlar payıza doğru kredit ödənişində ciddi problemlər yaşayacaq. Bu da kreditlərin qaytarılmasına mənfi təsir edə bilər. Dövlətin kredit ödənişlərində sentyabra qədər yaratdığı güzəşt, əslində, qeyri-stabil gəliri olan, eləcə də pandemiya səbəbindən aylıq gəlirlərdən məhrum olan şəxslər və təsərrüfat subyektləri üçün nəzərdə tutulsa da, bu fürsətdən stabil gəliri olanların da yararlanmağa çalışacağı istisna deyil. Əvvəlki vaxtlarla eyni qaydada əməkhaqqı alanlar da bank öhdəliklərinə biganə yanaşaraq, güzəştlərdən yararlanmaq üçün sentyabra qədərki ödənişləri gecikdirə və əllərində olan vəsaiti qeyri-adekvat istiqamətə yönəldə bilərlər. Güzəşt müddəti bitdikdən sonra isə həm mövsümi gəlirlərin azalması, həm də ödəniş həcminin artması ödəniş qabiliyyətini aşağı salacaq".

Eldəniz Əmirov vətəndaşlara tövsiyə edib ki, verilmiş vaxt güzəştinə arxayın olub, kredit ödənişlərini geçikdirməsinlər. Çünki sonda bu onların özləri üçün həll edə bilməyəcəkləri problemə çevrilə bilər: "Məsələyə banklar prizmasından yanaşdıqda vəziyyət daha da qəlizləşə bilər. Çünki yuxarıda qeyd edilən səbəblər problemli kreditlər kütləsinin kəskin artmasına səbəb ola bilər. Bu isə hazırda maliyyə durğunluğu yaşayan digər banklara daha ciddi problem yaşada bilər.

Bir sözlə, kredit ödənişləri məsələsində, banklar vətəndaşlardan daha çox narahat olmalıdırlar. Çünki banka vətəndaşın 5-10 min və ya 100 min manat borcu varsa, bu, vətəndaşın problemidir, amma bu borc on milyonlara qalxanda artıq bankın probleminə çevrilir".

İqtisadiyyatÖlkədə bağlanmış əmək müqavilələrinin sayı may ayının 1-nə 1 milyon 691,9 min olub VergiƏDV tətbiq edilməklə satılmış bəzi mallara görə hesablanmış ƏDV məbləğləri azaldılacaq İqtisadiyyatİqtisadiyyat naziri Mikayıl Cabbarov Səudiyyə Ərəbistanı Krallığının investisiya naziri ilə görüşüb İqtisadiyyatBirləşmiş Ərəb Əmirlikləri ilə iqtisadi-ticarət əlaqələri və əməkdaşlıq perspektivləri müzakirə edilib İqtisadiyyatAzərbaycanda iqtisadiyyatın şaxələndirilməsi, yaşıl iqtisadi artım məsələləri müzakirə olunub SosialŞəhid ailələri üzvləri və müharibə iştirakçılarından ibarət 93 min şəxsə sosial ödənişlər təyin olunub İqtisadiyyatDaha 2 faydalı qazıntı yatağı hərraca çıxarılıb İqtisadiyyatAzərbaycan-Litva biznes-forumu işini müzakirələrlə davam etdirib İqtisadiyyatHicran Hüseynova: Qadınların əmək bazarına lazımi bacarıqlarla çıxması üçün innovativ maliyyə mexanizmləri yaradılmalıdır MüsahibələrEldəniz Əmirov: Vergi daxilolmalarının artması iqtisadi islahatlarla bağlıdır MÜSAHİBƏ