Auditorlar Palatası "Daxili Audit testləri və sübutların toplanması" proqramı əsasında daxili auditor kadrlarının hazırlanması üzrə hazırlıq kurslarını davam etdirəcəyini elan edib. Məqsəd ölkədə daxili nəzarət sahəsində şəffaflığın artırılması və korrupsiyaya qarşı mübarizə sahəsində ardıcıl olaraq həyata keçirilən tədbirlərin davamlı icrasını təmin etməkdir.

Palatadan verilən məlumata görə, növbəti kurslar qeyd edilən proqram əsasında bu il 13-29 aprel tarixlərində aparılacaq. Hazırlıq kursları Şəffaflığın təminatı, dempinq və haqsız rəqabətə qarşı mübarizə üzrə komitənin sədri, sərbəst auditor Üzeyir Fətiyev tərəfindən aparılacaq. Daha ətraflı məlumat üçün [email protected], [email protected] ünvanları ilə əlaqə saxlaya bilərsiniz.