2019-cu ildə Azərbaycanda daşınmaz əmlakın icbari sığortası üzrə sığorta şirkətləri tərəfindən ümumilikdə 43,427 mln. manat həcmində sığorta haqqı yığılıb. Azərbaycan Mərkəzi Bankının məlumatına əsasən, bu, 2018-ci il ilə müqayisədə sözügedən sığorta növü üzrə yığımlarda 43 faiz artım deməkdir. İl ərzində ödənişlər 5,415 mln. manat ödəniş həyata keçirilib ki, bu da 2018-ci il ilə müqayisədə 35 faiz çoxdur.

Avtonəqliyyat vasitəsi sahiblərinin mülki məsuliyyətinin icbari sığortası üzrə ötən il ərzində yığımlar 100,430 mln. manat, ödənişlər 67,236 mln. manat təşkil edib. Beləliklə, 2018-ci il ilə müqayisədə müvafiq olaraq yığımlarda 5,2 faiz, ödənişlərdə 26 faiz artım qeydə alınıb.

Azərbaycanda fəaliyyət göstərən sığorta şirkətləri tərəfindən 2019-cu il ərzində qeyri-həyat icbari sığorta növləri üzrə cəmi 176,460 mln. manat həcmində sığorta haqqı yığılıb. Yığımlarda illik 12,7 faiz artıb. 2019-cu ildə sığorta ödənişləri də illik 20 faiz artaraq 77,526 mln. manata yüksəlib.