29 Mart 2024

VERGİLƏR

SOSİAL-İQTİSADİ ONLAYN QƏZET

Regional konfrans çərçivəsində sahibkarlarla müzakirələr aparılıb

Fevralın 3-də Heydər Əliyev Mərkəzində "Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı"nın icrasının birinci ilinin yekunlarına həsr olunmuş konfrans çərçivəsində panel iclaslar keçirilib.

AZƏRTAC xəbər verir ki, iqtisadiyyat panelində İqtisadiyyat naziri Mikayıl Cabbarov, Əmək və Əhalinin Sosial Müdafiəsi naziri Sahil Babayev, Dövlət Gömrük Komitəsinin sədri Səfər Mehdiyev, bir sıra rayonların icra hakimiyyəti başçıları və sahibkarlar iştirak ediblər.

Panel iclasında ölkədə həyata keçirilən iqtisadi islahatlar, sahibkarlıq, vergi, gömrük, rəqabətin qorunması, məşğulluq və sosial müdafiə sahələrində görülmüş işlər barədə məlumat verilib. Qarşılıqlı müzakirə şəraitində keçən iclasda sahibkarların investisiya layihələrinin maliyyələşdirilməsi, kiçik və orta biznesin güzəştli kredit resurslarından istifadə imkanlarının genişləndirilməsi, özəlləşdirmə, ixrac, lisenziyalaşdırma, idxalda vergi və gömrük güzəştlərinin tətbiqi və sair sahələrdə təklifləri, həmçinin qarşılaşdıqları məsələlər barədə müraciətləri dinlənilib.

Kənd təsərrüfatı üzrə panel iclasında aqrar sektorda istehsal və suvarma sistemlərində mütərəqqi texnologiyaların tətbiqi, iqlim dəyişkənliyinin istehsala təsiri, ekoloji təmiz məhsul istehsalının genişləndirilməsində sahibkarlığın rolu, eləcə də kənd təsərrüfatı təyinatlı torpaqların səmərəli istifadəsi, təkrar əkinin subsidiyalaşdırılması, aqrar sektorda sertifikatlaşdırma və sair mövzularda müzakirələr aparılıb. Ekologiya və Təbii Sərvətlər naziri Muxtar Babayev, Kənd Təsərrüfatı naziri İnam Kərimov, Qida Təhlükəsizliyi Agentliyinin sədri Qoşqar Təhməzli, "Azərbaycan Meliorasiya və Su Təsərrüfatı" ASC-nin sədri Əhməd Əhmədzadə, Əmlak Məsələləri Dövlət Komitəsinin sədr müavini Rüstəm Şahbazov aidiyyəti sahələr üzrə sahibkarları maraqlandıran məsələlərlə bağlı fikirlərini bildiriblər.

Nəqliyyat, Rabitə və Yüksək Texnologiyalar naziri Ramin Quluzadə, "Azərbaycan Dəmir Yolları" QSC-nin sədri Cavid Qurbanov, Azərbaycan Avtomobil Yolları Dövlət Agentliyinin idarə heyətinin sədri Saleh Məmmədov, "Azərişıq" ASC-nin sədri Vüqar Əhmədov, "Azərsu" ASC-nin sədri Qorxmaz Hüseynov, "Azəriqaz" İB-nin baş direktoru Ruslan Əliyevin və digər aidiyyəti dövlət qurumlarının nümayəndələrinin iştirakı ilə keçirilən infrastruktur üzrə panel iclasında 2019-cu ildə bu sahədə görülən işlər və icra olunan layihələr barədə məlumat verilib. İclasda sahibkarlar infrastruktur sahəsində layihələrdə və xidmətlərin göstərilməsində iştirakının genişləndirilməsi və kommunal xidmətlərlə bağlı müraciət ediblər.

Maliyyə-bank panel iclasında Mərkəzi Bankın sədri Elman Rüstəmov, İpoteka və Kredit Zəmanət Fondunun idarə heyətinin sədri Fəxri Kazımov, Əmanətlərin Sığortalanması Fondunun icraçı direktoru vəzifəsini icra edən Vüqar Abdullayev, İqtisadiyyat Nazirliyinin Sahibkarlığın İnkişafı Fondunun idarə heyətinin sədri vəzifəsinin icraçısı Samir Hümbətov, Kənd Təsərrüfatı Nazirliyinin Aqrar Kredit və İnkişaf Agentliyinin sədri Mirzə Əliyev, bankların nümayəndələri və iş adamları iştirak ediblər. Panel iclasında sahibkarlar əsasən maliyyə resurslarına çıxış imkanlarının genişləndirilməsi, güzəştli kreditlərdən istifadədə girov mexanizminin təkmilləşdirilməsi, borcların restrukturizasiyası, ixracda daha əlverişli valyuta rejiminin tətbiqi, ilkin emal avadanlıqlarına görə güzəştlərin verilməsi, likvidlik və əmlakın qiymətləndirilməsi və sair məsələlərə toxunublar.
Panel iclaslarında sahibkarların təklifləri müzakirə edilib, sualları cavablandırılıb. Biznes nümayəndələrinin qaldırdığı bir sıra məsələlərin həlli istiqamətində aidiyyəti üzrə tapşırıqlar verilib, səsləndirilən təkliflərin araşdırılacağı və müvafiq tədbirlər görüləcəyi bildirilib.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb