2 Mart 2024

VERGİLƏR

SOSİAL-İQTİSADİ ONLAYN QƏZET

Tezliklə Xaçmazda ilk KOB İnkişaf Mərkəzi açılacaq

Bakıda İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA), Agentlik yanında İctimai Şuranın və Qida Təhlükəsizliyi Agentliyinin təşkilatçılığı ilə "Qida təhlükəsizliyi: mövcud vəziyyət və perspektivlər" mövzusunda forum keçirilir. Tədbiri giriş sözü ilə KOBİA-nın İdarə Heyətinin sədri Orxan Məmmədov açıb. Bildirilib ki, indiyə qədər Azərbaycanda qida sahəsində 10 mindən çox kiçik və orta biznes (KOB) subyekti qeydiyyatdan keçib və onların maraqları daima qorunur.

KOBİA rəhbərinin sözlərinə görə, bu kimi sahibkarlıq subyektləri ilə maarifləndirmə işlərinin genişləndirilməsinə zərurət var: "Bu məqsədilə yaxın günlərdə Xaçmazda ilk KOB İnkişaf Mərkəzi açılacaq".

Bundan başqa, O.Məmmədov qeyd edib ki, ölkədə KOB-ların istehsal etdiyi qida məhsullarının satışında problemlər var: "KOB-lar xüsusilə iri market şəbəkələrinə çıxışda çətinliklərlə üzləşirlər. Məhsulların keyfiyyətli formada qablaşdırılmasında, istehsalın davamlılığında, çatdırılmasında problemlər var. Lakin bu problemlərin həm obyektiv, həm də subyektiv səbəbləri var. Xoşagəlməz halların aradan qaldırılması üçün tənzimləmə alətlərinin təkmilləşdirilməsinə, eləcə də ticarət şəbəkələrinə giriş ilə bağlı dövlət dəstəyi mexanizmlərinə ehtiyac var və bu istiqamətdə Agentlik təkliflər hazırlayıb".

Qeyd edək ki, forumda dövlət qurumlarının nümayəndələri, eləcə də qida sektorunda fəaliyyət göstərən sahibkarlıq subyektləri iştirak ediblər. Tədbirdə qida sektoruna dair aktual məsələlər, bu sahədə qanunvericiliyə edilmiş dəyişikliklər və görülən işlər, dövlət və özəl qurumlar arasında əməkdaşlıq müzakirə edilib, sahibkarları maraqlandıran suallar cavablandırılıb, bznes subyektlərinin təklifləri dinlənilib. Forumda səsləndirilən fikirlərin, rəy və təkliflərin aidiyyəti üzrə müvafiq qurumlara təqdim olunacağı qeyd edilib.

Kənd Təsərrüfatı nazirinin müavini Elçin Zeynalov və Qida Təhlükəsizliyi Agentliyinin sədr müavini Rüfət Rüstəmzadə çıxışlarında qida sahəsinin qeyri-neft sektorunun prioritet istiqamətlərindən olduğunu, bu sahədə son zamanlar həyata keçirilən tədbirlər, qanunvericiliyə edilmiş dəyişikliklər və layihələr barədə məlumat veriblər.

Həmçinin, forumda KOBİA-nın mikro, kiçik və orta sahibkarlara dəstək mexanizmlərinə dair videoçarxlar nümayiş olunub. KOBİA yanında İctimai Şuranın sədri Fərhad Qaraşov forumun keçirilməsi məqsədi, KOBİA yanında İctimai Şuranın fəaliyyəti barədə məlumat verib. Qeyd edilib ki, KOB-ların, müvafiq dövlət qurumlarının və vətəndaş cəmiyyəti institutlarının iştirakı ilə mütəmadi olaraq üçtərəfli formatda tədbirlər keçirilir. 2019-cu ildə KOBİA yanında İctimai Şuranın təşkilatçılığı ilə müxtəlif mövzularda 6 forum keçirilib və belə tədbirlər 2020-ci ildə də davam etdiriləcək.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb