2006-2019-cu illərdə İpoteka və Kredit Zəmanət Fondunun vəsaiti hesabına verilmiş ipoteka kreditlərinin ümumi məbləği 1 milyard 391 milyon manatadək, bu kreditlər hesabına öz yaşayış şəratini yaxşılaşdırmış ailələrin sayı isə 27 min 883 olub. Fonddan bildirilib ki, bu kreditlərin 436 milyon manatdan çox hissəsini (8839 ədəd) güzəştli kateqoriyalara aid şəxslərə verilmiş kreditlər təşkil edib. İpoteka kreditlərindən faydalananların 70 faizə yaxınını gənclər və gənc ailələr təşkil edib, kreditlərin 20 faizə yaxını isə regionlarda verilib.