Azərbaycan iqtisadiyyatının kredit yükü 2019-cu il dekabrın 1-nə 20,8 faizə enib. "APA-Economics"in Azərbaycan Mərkəzi Bankı və Dövlət Statistika Komitəsinin məlumatlarına istinadən xəbər verir ki, bu da iqtisadiyyatın kredit yükünün noyabr ayı ilə müqayisədə 1,4 faiz bəndi azalması deməkdir. 2018-ci ilin eyni dövrü ilə müqayisədə isə ölkə iqtisadiyyatının kreditlə yüklənməsi 3,5 faiz bəndi artıb.

Qeyd edək ki, 2019-cu il dekabrın 1-nə ölkə iqtisadiyyatına cəmi kredit qoyuluşu 15.116,4 mln. manat, ÜDM istehsalının həcmi 72.852,2 mln. manat təşkil edib.