24 Fevral 2024

VERGİLƏR

SOSİAL-İQTİSADİ ONLAYN QƏZET

EKTİS aqrar sahənin iştirakçılarını bir araya toplayacaq vahid xidmət platformasıdır

Subsidiyaların fermerlərə Elektron Kənd Təsərrüfatı İnformasiya Sistemi (EKTİS) üzərindən verilməsi aqrar sahənin bütün iştirakçılarını bir platformaya toplamağa imkan verəcək. Bu barədə Aqrar Kredit və İnkişaf Agentliyinin (AKİA) sədri Mirzə Əliyev deyib. O qeyd edib ki, www.eagro.az portalında həm fermerlər, həm də onlara xidmət göstərən toxum, gübrə, pestisid təchizatçıları, süni mayalama mütəxəssisləri, baytarlar qeydiyyatdan keçirlər: "Sistemdə onların təqdim etdikləri məhsul və xidmətlər, eləcə də qiymətlər yerləşdiriləcək. Fermerlər qiymətləri müqayisə edib, istədikləri məhsul və xidmətləri seçmək imkanı qazanacaqlar".

Subsidiya vəsaitləri "Fermer kartı"na köçürüldükdən sonra fermerlər ödənişləri POS-terminallar və ya onlayn qaydada (e-commerce) edəcəklər. Bu platforma kənd təsərrüfatı sahəsində fəaliyyət göstərən təchizatçıların təklif etdikləri qiymətləri nəzarətdə saxlamağa imkan verəcək. Həmçinin bu platforma təchizatçıların təklif etdikləri qiymətləri nəzərə alaraq subsidiya əmsallarının müəyyən olunmasına şərait yaradacaq. EKTİS təchizatçılar üçün online sifariş və satış platforması kimi də xidmət göstərəcək.

Qeyd edək ki, bu il yanvarın 1-dən "Kənd təsərrüfatı məhsulları istehsalının subsidiyalaşdırılması" üzrə yeni qayda qüvvədədir. Prezident İlham Əliyevin 2019-cu il 27 iyun tarixli Fərmanı ilə təsdiq edilmiş bu qaydaya əsasən, aqrar subsidiyalar fermerlərə EKTİS vasitəsilə veriləcək. Kənd təsərrüfatı sahəsində tətbiq edilən dəstək tədbirləri ilə bağlı yeni mexanizm bu sahədə hesabatlılığın, şəffaflığın artmasına, büdcə vəsaitlərinin səmərəli istifadəsinin təmin edilməsinə, fermerlər üçün müraciətlərin sadələşdirilməsinə, elektronlaşdırılaraq asanlaşdırılması və əlçatanlığına xidmət edir.

VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır? VergiHansı halda şirkət sadələşdirilmiş verginin ödəyicisi olmaq hüququnu saxlayır? VergiHesabın bağlanılması və digər filialda yeni hesabın açılması üçün banka təkrar müraciət olunmalıdırmı?