Azərbaycan iqtisadiyyatının kredit yükü illik müqayisədə 3 faiz bəndi artaraq cari il noyabrın 1-nə 22 faizi ötüb. "APA-Economics"in Azərbaycan Mərkəzi Bankı və Dövlət Statistika Komitəsinin məlumatlarına istinadən xəbər verir ki, 2019-cu il noyabrın 1-nə əsasən, Azərbaycanda iqtisadiyyatın kredit yükü 22,1 faiz, qeyri-neft iqtisadiyyatı üzrə isə 36 faiz təşkil edib. Nəticədə ölkə iqtisadiyyatının kreditlə yüklənməsi ötən ilin eyni dövrü ilə müqayisədə 3,3 faiz bəndi, o cümlədən qeyri-neft iqtisadiyyatı üzrə 3 faiz bəndi artıb.

Qeyd edək ki, ötən ilin müvafiq dövründə iqtisadiyyatın kreditlə yüklənməsi 18,8 faiz, qeyri-neft iqtisadiyyatının kredit yükü isə 33 faiz olub.