12 Noyabr 2026
SOSİAL-İQTİSADİ ONLAYN QƏZET
Cənub Qaz Dəhlizi Türkiyə və Avropanın enerji asılılığını azaldacaq

Cənub Qaz Dəhlizi Türkiyə və Avropanın enerji asılılığını azaldacaq

Cənub Qaz Dəhlizi boru xəttinin keçdiyi ölkələrlə yanaşı, bütün region üçün çox böyük əhəmiyyət kəsb edir. Oksford Enerji Araşdırmaları İnstitutunun (OIES) tədqiqatçısı Gülmira Rzayeva bildirib ki, Rusiyadan asılılığı azaltmaq siyasəti yürüdən Türkiyə və Avropa ölkələri öz qaz mənbələrini şaxələndirmək niyyətindədir. Cənub Qaz Dəhlizi həm Türkiyə, həm də Avropa ölkələrinin məhz bu məqsədlərini yerinə yetirir: "Qaza tələbatı sürətlə artmadığı üçün Türkiyə qaza olan ehtiyacının böyük hissəsinin Azərbaycandan qarşılanmasını istəyir. Kommersiya şərtləri və qiymət baxımından da Azərbaycan qazı Türkiyə üçün daha əlverişlidir. Ona görə də həm Türkiyənin qaz təhlükəsizliyinin təmin edilməsində, həm də iqtisadi inkişafında TANAP böyük rol oynayacaq".

Uzunluğu 3 min 500 kilometr olan Cənub Qaz Dəhlizi vasitəsilə ilkin mərhələdə hər il Türkiyəyə 6 milyard, Avropaya 10 milyard kubmetr qaz nəqli planlaşdırılır. Avropaya ixrac olunan qaz 3 ölkəyə - İtaliyaya (illik 8 milyard kubmetr), Yunanıstana (illik 1 milyard kubmetr), Bolqarıstana (illik 1 milyard kubmetr) satılacaq. Gülmira Rzayevanın sözlərinə görə, Cənub Qaz Dəhlizi bu ölkələr üçün də böyük önəmə malikdir. Çünki bu ölkələr məhz Azərbaycan qazı sayəsində mənbələrini şaxələndirmək imkanı əldə edirlər. Məsələn, Bolqarıstan qaza olan tələbatının 100 faizini Rusiyadan ödəyir. TANAP-ın istifadəyə verilməsi ilə bu ölkələr Rusiyadan asılılığı azaltmaqla yanaşı, Azərbaycan kimi etibarlı tərəfdaşla imzaladıqları sazişlərlə əlverişli şərtlər də əldə edirlər.

Səbuhi TURAN

VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur? VergiAlternativ enerjinin satışı ilə məşğul olan müəssisədə xərclər necə uçota alınmalıdır? VergiKirayə haqqından vergi necə hesablanır? VergiTelekommunikasiya avadanlıqlarına xidmət göstərənlər sadələşdirilmiş vergi ödəyicisi ola bilərlərmi?