27 İyul 2024

VERGİLƏR

SOSİAL-İQTİSADİ ONLAYN QƏZET

Subsidiyaların verilməsi Elektron Kənd Təsərrüfatı İnformasiya Sisteminin imkanlarından biridir

Elektron Kənd Təsərrüfatı İnformasiya Sistemi (EKTİS) təkcə fermerlərə subsidiya vermək üçün nəzərdə tutulmayıb. Subsidiyaların elektron qaydada verilməsi EKTİS-in fermerlərə yaratdığı imkanlardan biridir. Fermerlər EKTİS vasitəsilə bir çox aqrar xidmətlərdən yararlana biləcəklər. Onlar evdən çıxmadan, təsərrüfatdan ayrılmadan, mobil telefon, planşet, masaüstü kompüter vasitəsilə baytarlıq, fitosanitar xidmətlər sifariş edə biləcəklər. Fermerlərin EKTİS üzərindən aqrar kredit almaq üçün müraciət etmək imkanı da olacaq. Bundan başqa, onlar gübrə və sertifikatlı toxumu da yeni sistem üzərindən ala biləcəklər. Bu fikirləri Kənd Təsərrüfatı nazirinin müavini İlham Quliyev Samux, Göygöl, Daşkəsən və Goranboyda Elektron Kənd Təsərrüfatı İnformasiya Sisteminin tətbiqi ilə bağlı keçirdiyi görüşlərdə deyib.

Nazir müavini bildirib ki, EKTİS aqrar xidmətləri fermerin ayağına gətirən, operativliyi, şəffaflığı və əlçatanlığı təmin edən innovativ təşəbbüsdür: "Bu sistemin imkanlarından fermerlərə aqrotexniki tədbirlərin qrafikinə dair məlumatların, meteoroloji məlumatların ötürülməsində də istifadə olunacaq. Gələcəkdə fermerlər EKTİS-dən təkcə toxum, gübrə almaq üçün deyil, öz məhsullarını satmaq üçün də istifadə edə biləcəklər. Bu imkanlardan yararlanmaq üçün fermerlərimiz sistemdə qeydiyyatdan keçməli, özlərinə şəxsi kabinet yaratmalıdır. Artıq bu proses ölkə üzrə demək olar ki, başa çatmaq üzrədir. Fermerlərimizi indiki mərhələdə aqrar subsidiyalardan yararlanmaq üçün payızlıq əkinləri bəyan etməkdən daha aktiv olmağa çağırıram".

Qeyd edək ki, Kənd Təsərrüfatı Nazirliyi regionlarda EKTİS-in tətbiqi ilə bağlı görüşlər, maarifləndirici sessiyalar keçirir. İndiyədək 32 rayonda bu cür görüşlər təşkil olunub.

VergiSığorta məbləğinin gəlirdən çıxılması VergiMəcburi dövlət sosial sığorta haqları üzrə borcların silinməsi VergiSadələşdirilmiş verginin ödəyicilərinə vergi güzəşti VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır?